👧🏻：通識答題框架應該係點？

😽：嘿嘿，睇完呢篇文章就會學識 LS 答題框架!!

DSE通識答題框架 — 文章目錄

  1. 通識答題框架的重要性
  2. 通識有咩常見題型？
  3. 通識題型答題框架
  4. 通識段落答題框架

 

P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！

P.P.S. 記住 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。

 

1. 通識答題框架的重要性

唔少同學都覺得通識科係吹水科、冇得溫、冇規則可以跟。其實… 通識答題框架正正係考好通識最最最重要、最基本可以做嘅嘢。

因為，通識議題有好多好多，而通識科嘅題型嚟嚟去去都係嗰幾種，而每一種題型框架都有少許不同。

 

a) 點解要學通識答題框架？
好多同學由學校老師、通識補習名師身上學到唔同通識題型框架。但係，點解要學通識答題框架？

呢個問題似乎好多同學都唔太清楚答案。

所以，正式介紹通識答題框架之前，小編想講吓點解要學通識答題框架。

 

b) 慳時間
考通識之前疏於練習、較少準備嘅同學，可能到咗考試場地、打開份試卷、見到條題目之後先慢慢諗 — 呢種題型應該用咩答題框架？

與此同時，一位早有準備嘅考生唔需要再花時間去諗 — 每一種題型應該用咩答題框架，而係可以直接諗point、爭取考試寶貴嘅時間去落筆、寫論點做闡述。

 

c) 加強文章組織
除咗慳時間之外，試前準備好答題框架會令你考試寫文更加有方向、更有邏輯、更有組織。

考評局嘅評分準則寫明，一個高分嘅通識答案要符合以下嘅要求：

答案結構嚴謹，表達清楚且深入。

雖然通識 marking scheme 唔會黑紙白字寫住「組織做得好會加 3 分」、「組織做得唔好會扣 3 分」等等嘅字眼，但係考試論文寫得有組織、有條理，除咗符合番考評局嘅要求之外，亦都會令marker睇得舒服、加多少少印象分。

所以，無論同學而家嘅通識 predicted grade 係 level 2、 level 3、level 4 抑或 level 5, 而你想通識科升 grade 的話，小編認為，只要你未識曬每種題型嘅答題框架，你要升 grade 嘅第一步，一定一定係先學好通識各種題型嘅答題框架。

 

閱讀高質筆記：通識答題框架筆記

 

訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科

 

2. 通識有咩常見題型？

要知道自己係咪識曬咁多種通識題型嘅答題框架，首先要知道通識科考試有咩常見題型。

 

小編喺以下部分，整合咗一個通識常見題型列表：

  • 數據題：數據描述、數據分析
  • 漫畫題
  • 原因題、因素題
  • 影響題
  • 困難題、挑戰題、障礙題
  • 建議題
  • 評估題
  • 比較題
  • 爭議題、關注題

 

閱讀高質筆記：中文筆記 | 英文筆記 | 通識筆記 | Bio 筆記

 

3. 通識題型答題框架

一般嚟講，大部分嘅通識題型都可以套用以下嘅答題框架：

  1. 引言
  2. 論點一
  3. 論點二
  4. 其他論點（如有）/ 駁論 (如適用)
  5. 總結

 

以上嘅答題框架列出咗一篇通識論文，最主要嘅骨架。

不過，每一種題型框架的確類似，不過亦有重要嘅不同之處。至於每種題型詳細答題框架，同學可以參考通識答題框架筆記。

 

4. 通識段落答題框架

呢篇文章以上嘅部分，列出咗宏觀嘅通識答題框架。

換一個微觀角度睇，小編會講解埋通識每一個段落，應有嘅答題框架。

  1. 主題句
  2. 引用資料
  3. 推論、論據：例子、概念
  4. 小結句

 

a) 主題句
DSE嘅每位marker都會改好多好多份卷、睇好多好多篇essay，所以未必有時間、心機去詳細睇每篇essay嘅每一個字。所以小編建議同學每段嘅主題句一定一定要寫得好、寫得精簡，帶出段落中心論點。

主題句要有嘅元素：
🔹 標示語 — 每段都要有「第一」、「第二」呢類嘅標示語，清清楚楚話俾marker知，你寫緊第幾個論點、令marker更清楚你全篇essay有幾多個論點；
🔸 角度 — 呢段用咗咩角度嚟分析議題？
🔹 論點 — 你嘅論點係咩？

 

b) 引用資料
未必每一條段都要引番題目提供嘅資料，小編個人建議嘅 rule of thumb 係：
🔸卷一 資料回應題：每一段至少引用一次資料；
🔹卷二 延伸回應題：唔一定每段都要引用資料，全文大概大半段落有引用到資料就ok。

 

c) 推論、論據：例子、概念
之後推論嘅部分，唔少同學都覺得 — 「好似吹水啊」、「唔知寫咩好」、「寫咗好多都唔高分」… 就推論方面，小編有幾個提示俾你哋：
🔹 持分者：呢個議題會涉及到邊啲持分者？
🔸 因果關係：多啲諗吓你寫嘅嘢，會導致咩後果/帶嚟咩影響？
🔹 例子：有咩時事例子、假設性例子可以支持你嘅論點？
🔸 通識單元：呢個議題同邊一個/幾個單元有關？
🔹 概念：諗好個議題同咩單元有關之後，可以諗吓個單元有咩概念可以用

 

d) 小結句
同學喺每段結尾可以加一句簡潔嘅小結句，而小結句嘅結構大概係：
🔸 提示字眼：可以寫「總括而言」、「因此」之類嘅字眼，話俾marker知呢句係段落小結句；
🔹 重申論點：中文作文要做「首尾呼應」，通識亦都一樣。同學可以喺小結句寫多一次段落嘅中心論點。

最後呢一點非常非常重要：通識題型有十幾種，每一類題型嘅答題框架都有些少不同。例如：評論題要寫引言，因素題未必需要寫引言；評論題要寫駁論，因素題未必需要寫駁論等等。

胡亂套用通識答題框架，分分鐘令你成條題目跌一個grade、影響通識成科嘅分數‼️ 小編建議你哋針對番每一類題型，仔細溫習每種題型嘅答題框架，唔好因為用錯框架而無辜失分啊😿

 

🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～ 

💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！

📚 網上購買 DSE 溫習筆記、補充練習與參考書：熱門產品 | 優惠套裝 | 產品分類

 

延伸閱讀：