👧🏻：小編，我中三就嚟要選科喇，我應該點揀科呀？
😽：嘿嘿，等 DSE Best Five 34 分嘅 NoteSity 小編幫你仔細分析啦！
【限時免費下載😍】中三選科必備天書！
NoteSity 現正進行 giveaway, 免費送出《中三選科指南》電子書！
全書超過100頁，涵蓋中三選科出路、中三選科配搭、中三選科陷阱等等，更有8個熱門科目選修心得！
中三選科指南包括以下科目：
⚛️ 物理 Physics 🧪化學 Chemistry
🦠 生物 Biology 💵 經濟 Economics
🧮 企會財 BAFS 🌎 地理 Geography
🕵🏻♀️ 歷史 History 🕵🏻♂️ 中史
想知多啲嘅中三同學，可以 按此 WhatsApp NoteSity 小編獲得電子書🤩
而家限時免費下載，送完即止！
<<立即 WhatsApp 獲得電子書🔥>>
P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！
P.P.S. 記住 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。
中三選科係同學仔喺中學生涯裏面嘅第一個人生重要交叉點，因為中三同學仔需要決定高中三年讀嘅 DSE 選修科目。NoteSity 小編喺 DSE 考取最佳 5 科 34分嘅成績（滿分 35），而且已經大學畢業， 今日希望以過來人嘅身分，可以為你仔細講解中三選科一定要知嘅事：
- 咩係 DSE 選修科？
- 有咩選修科揀？
- 選科點解咁重要？
- 選科點樣影響大學入學？
- 中三選科原則、誤解及選科出路 (重要)
考好 DSE，除咗需要操練 DSE Past Paper 之外，你仲需要額外嘅高質筆記、補充練習與參考書。NoteSity 為你搜羅不同導師及出版社嘅訂購高質 DSE 筆記、補充練習與參考書，幫助你考好 HKDSE！
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
1. 咩係 DSE 選修科？
由中三升上中四，你就讀嘅科目都會有所不同。大部分高中同學仔都會就讀以下科目：
- 核心科目 (必修科)：中國語文、英國語文、數學、通識教育 (4 Core Subjects，簡稱「4C」）
- 選修科目：大部分同學仔會選修 2-3 科，部分同學仔會另外選修 M1/M2（即數學延伸部份單元一（M1，微積分與統計）及單元二（M2，代數與微積分））(Electives，簡稱「X」)
2. 有咩選修科揀？
根據考評局最新資訊，高中有20科係選修科目。考 DSE 每科最高分數為 5** ，等級如下：
- [最高分] 5** > 5* > 5 > 4 > 3 > 2 > 1 [最低分] > 不予評級
科目以水平參照成績匯報成績。考生成績分為五個等級(1-5級)，以第5級為最高等級。獲第5級的考生中表現較佳者會獲「5**」，隨後表現較佳的則以「5*」標示。表現低於第1等級的會標示為「不予評級」。
自從由會考高考轉做 DSE 後，選修科目類別整體變得多元化，部分科目好難特別分做文理商科：
文科科目
- 中國文學
- 英語文學
- 中國歷史
- 歷史
- 地理
- 倫理與宗教
理科科目
- 物理
- 化學
- 生物
- 科學 : 組合科學
- 科學 : 綜合科學
- 資訊及通訊科技
商科科目
其他選修科科目
- 旅遊與款待
- 設計與應用科技
- 健康管理與社會關懷
- 科技與生活
- 音樂
- 視覺藝術
- 體育
考評局仲有提供有關24科高中科目評核大綱同埋有關水平參照成績匯報，有需要可以看看。
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
3. 選科點解咁重要？
冇得轉科
首先，選科決定咗之後係冇得轉科，只有 drop 科。假設你中四開始修讀 Physics、Chem、Econ，之後發覺自己想修讀 Bio，好少學校俾你中五揀翻 Bio，因為學校唔會由頭重新教過，而且你中五要追翻曬中四教授嘅課題係好辛苦。
只有 drop 科
但有一點可以放心，如果你中四讀完 Physics 發覺自己真係應付唔到，大部分學校係允許你喺有合理原因底下 drop 科，即不再修讀嗰一科，而且喺 DSE 唔需要考嗰一科 。不過 drop 科某程度上係代表你浪費咗自己過往花喺呢一科嘅時間，倒不如由一開始揀科嗰陣諗清諗楚。
4. 選科點樣影響大學入學？
(a) 選修科影響入大學機會
每年大部分同學仔都係考 DSE，透過 JUPAS 入本地大學。而可唔可以入大學，最主要真係睇你 DSE 嘅成績。萬一揀咗唔適合自己而且冇興趣嘅科目，NoteSity 小編相信你會好難考得好。
(b) 選修科影響大學揀科
呢點比較少同學仔注意到，有部分科目大學收生要求同學仔喺高中要就讀某些科目。呢個情況通常發生喺大學嘅理科身上。假如你將來好想讀 Science、Engineering (工程)、Medicine、Dentistry、Statistics 等偏向理科嘅科目，唔少大學收生係要求同學仔要至少讀一科高中理科科目，或者要讀指定某一科 (例如 Chem 化學)。
舉個例子，以 HKU 香港大學 Science (6901 Bachelor of Science) 為例，佢嘅收生要求係最佳 5 科成績，而其中一科一定要係 “Science elective subjects“，即係 Biology / Chemistry / Physics / Combined Science / Integrated Science。如果你一科都冇讀，你就未必可以揀呢科，所以要注意翻。
5. 中三選科原則、誤解及選科出路 (重要)
(a) 史上選科最大的誤解
好多同學仔以為中學揀讀某些科目，入到大學就一定只可以揀翻相關科目，呢個係大錯特錯。中三選科選修文理商科，同你大學揀科甚至畢業工作出路關係未必有好大嘅掛勾 (但要留意 4(b))。
中學讀 Physics，大學唔一定要讀翻 Science 嘅科目，畢業出路更加唔會話只可以做翻同 Science 有關嘅野。
以 NoteSity 小編嘅同學為例子：
- 同學 A 中學修讀 Phy、Chem、Bio (全理科)，入大學時修讀文科，主修語言學及心理學，畢業時入銀行工作；
- 同學 B 中學修讀 Phy、Econ、BAFS、M2，入大學時修讀 Science，主修統計及中文 (港大容許你除咗主修科學院嘅科目之外，另外主修其他學院嘅一些科目)，最後畢業時到本地大集團成為管理培訓生
- 同學 C 中學修讀 Geog、Chist、Hist (全文科)，入大學時修讀 BBA & LLB (商科及法律)，畢業時做通識科老師；
大學嘅科目比中學嘅科目多好多倍，而且好多大學科目冇要求同學仔中學要修讀某些科目。所以你嘅職業出路唔會因為你中學揀科而受到好大影響。但如果你大學想修讀科學有關嘅科目，中學就記住一定要揀翻相關嘅科目 (上面已清楚解釋)。
(b) 跟從興趣和能力
興趣和能力的關係密切，如果你對某一科有興趣嘅話，你係會容易d讀得好。讀完初中三年 Science 同其他科目，NoteSity 小編相信大家已經有個初步想法，了解自己嘅興趣。如果初中讀完 3 年 Science，發覺自己唔鍾意理科，有其中三呢年應該有讀過少少 Phy / Chem / Bio。高中繼續揀 Physics、Chem、Bio，你覺得你會讀得好嗎？對 3 年，值得嗎？ 所以 NoteSity 小編建議大家中三選科要以興趣行先。
(c) 2 個選修科定係 3 個選修科？
同學仔通常唔知自己應該揀 2個選修科定係 3 個選修科 (未計 M1/M2)。讀 3個選修科絕對唔容易，NoteSity 小編想坦承咁話你知，如果你知道自己成績真係一般般，又或者未必想花咁多時間落讀書嘅話，我會建議你揀 2個選修科 (未計 M1/M2)。
NoteSity 小編當時高中修讀 Phy、Chem、BAFS、M2，即使小編係一個好努力讀書嘅人，要同時應付咁多科有d吃力。簡單d去諗，A 同學用所有時間修讀 4科主科同埋 Phy、Chem (4C + 2X)，而 B 同學用所有時間修讀 4科主科同埋 Phy、Chem、BAFs、M2 (4C + 4X)。
如果 2 個同學能力同有嘅時間一樣，A 同學可以花喺每一科嘅時間會比 B 同學多。如果你對自己有信心，而且過往讀書成績優異嘅話，小編絕對支持你揀選 3 個選修科，但必須注意時間分配。
而部分學校知道整體同學仔未必會應付到 3 個選修科，所以有學校已經會閒置同學仔只可以揀選 2 個選修科。
睇完 NoteSity 小編分析，唔知你會點揀科呢？無論你點揀都好，記住要跟從自己嘅興趣，希望以上分析幫到你！
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 網上購買 DSE 溫習筆記、補充練習與參考書：熱門產品 | 優惠套裝 | 產品分類
延伸閱讀：
