句構唔同，句子銜接都有唔同？
上一篇文章，NoteSity 小編同大家分析咗中英文嘅句構🧬 呢篇文章想深入少少，講吓中英文點樣連接句子或者分句～😬
一、相同之處
先由簡單嘅開始講啦😊 同學可能都估到，中英文都會用連詞（connectives）去連接句子，簡單直接。連詞有咩功用？小編幫大家整理咗三種常見嘅用法～💁🏻♂️
1. 列舉事情👆🏻✌🏻🤟🏻
有時表達幾個原因，或者列舉幾樣事情，中英文都會運用數字，咁樣讀者就易啲跟到你文章嘅脈落，好似例一咁：
例一（中）：我不愛讀書：一來要很早起床；二來要天天交功課；三來還要準備考試，累極了😪！
值得一提嘅係，中文表達原因，除咗用「因為」或者「原因是」，都可以用冒號嚟表達。另外，三個原因屬於並列關係，中間可以用分號分隔。
例一（英）：I dislike studying out of a few reasons. Firstly, I have to wake up early; secondly, I have to hand in homework every day; thirdly, I have to revise for the exams. These are so tiring!
除咗呢組連詞，同學都可以用first、second同third，英文用嚟列舉嘅連詞有好多，想知多啲嘅話，可以睇吓
呢個網站～😃
2. 條件句🌷🙅🏻♀️💧👉🏻🥀
表達條件，中文有唔少連詞可以用；英文主要係用when同if。實際嘅例子，睇吓例二啦：
例二（中）：你若不抓緊時間，便趕不上火車了🚂。
中文嘅連詞好多樣，呢句句子亦都可以用「假定」、「如果」、「倘若」，意思上冇太大分別。但要留意嘅係，如果兩句分句嘅主語一樣，連詞放喺主語後面會比較清楚。換句話講，例二咁樣表達嘅話就冇咁好喇：若你不抓緊時間，便趕不上火車了🙅🏻♀️🙅🏻♂️
例二（英）：If you don't hurry, you will miss the train.
條件句嚟講，英文比中文需要多顧慮一樣嘢，就係
時態（如果要解釋埋，篇文應該會長到唔想睇🤫）。想知英文唔同條件句意思上有咩分別，時態要點用，可以參考
呢個網址～
3. 起承轉合😙😌😫😙
講得連詞，梗係唔可以唔提連詞表達因果轉折嘅用法啦。不論中英文，都有呢一類連詞，不過同學要特別小心英文連詞嘅用法，規範比中文多好多㗎‼️
例三（中）：因為這裏食物價錢太貴，所以還是找別的餐廳🍔。
呢句嘅用法相信都唔需要多講，不過要留意嘅係，中文嘅連詞用法比較多變，呢度唔用連詞，其實都得㗎，即係話，句子可以改成「這裏食物價錢太貴，還是找別的餐廳。」點解可以？🤔 睇埋落去，下面就會講㗎喇～
例三（英）：Since the food here is too expensive, we better find another restaurant.
唔知同學有冇留意到呢？🙈 表達原因，英文通常用一個連詞就得，如果句子寫成 "Since the food here is too expensive, so we better find another restaurant."，反而唔啱文法，表達亦唔夠自然😣
關於呢點，小編想同大家講多個例子：
例四（中）：雖然他說得頭頭是道，但是他什麼也不懂🙄。
例四（英）：Although he spoke impressively, he knew nothing.
He spoke impressively but he knew nothing.
表達轉折嘅時候，中文會用「雖然……但是」，同學千祈唔好以為英文都係咁，可以用Although…but嘅句構，寫做 "Although he spoke impressively, but he knew nothing." 呢個句構文法上嚟講係錯㗎🙅🏻♀️🙅🏻♂️
英文只可以二擇其一，一係用although，一係就用but‼️ 兩個嘅用法都有分別，同學要留意呀！
– Although：解「雖然」，可以放喺句子開頭或者句子中間都得。
He knew nothing although he spoke impressively.
Although he spoke impressively, He knew nothing.
呢兩句嘅表達都可以，分別在於同學想突出句子邊個部分，就放喺句子開頭。
– But：解「但是」，只可以放喺句子中間。
He spoke impressively but he knew nothing.
二、相異之處
上面講咗唔少例子，分析中英文點樣連接句子。不過，正如例三所講，中文嘅句子有時唔用連詞，都可以達到相同嘅效果。
點解可以？因為中文係意合嘅語言，句子可以靠意思連貫；英文就係形合嘅語言，句子講求結構完整。
覺得太抽象？🤯 不如睇吓例子啦：
例五（中）：這碗湯麪，湯鹹，料少，很難吃，我再也不會點了🍜。
呢句句子冇用過任何連詞，但係意思都好清楚：先講咗湯麪嘅缺點（湯鹹，料少），再講感想（很難吃，我再也不會點了），句子一氣呵成，讀落好流暢。可唔可以照加連詞？可以嘅，不過會顯得比較累贅：
例五（中，有連詞）：因為這碗湯麪湯鹹，而且料少，很難吃，所以我再也不會點了🙅🏻♀️🙅🏻♂️。
例五（英）：I won't order this soup noodle again because it is unpalatable with salty soup and few toppings.
英文嘅話就唔同喇，需要適當加返連詞，結構先完整，意思先清楚。如果唔係，句子嘅轉折就會顯得突兀，句子顯得零碎散亂，有東拼西湊嘅感覺：
例五（英，冇連詞）：I won't order this soup noodle again. It is unpalatable. Salty soup, few toppings🙅🏻♀️🙅🏻♂️.
小結💛
簡而言之，中文比較少用連詞，句子之間嘅邏輯關係唔一定要連詞嚟體現，意思連貫就可以；英文一定要用連詞表達句子之間嘅邏輯關係，形式上嘅連貫好重要。
中英文連結句子嘅方式唔同，寫作嘅時候，唔好用咗另一種語言嘅思維模式寫作，唔係嘅話，寫出嚟嘅句子就會突兀唔自然㗎喇～
四、實戰題💪🏻
睇完上面嘅分析同例子，想知自己明咗幾多？試吓用另一種語言表達句子嘅意思，挑戰吓自己啦！
1. （試吓用英文表達）老師一罵她，她就哭了😭。
2. （試吓用英文表達）他不老實，我無法相信他🤥。
3. （試吓用中文表達）If we had looked at the map, we wouldn't get lost🗺.
4. （試吓用中文表達）Even though he is not that clever, he still managed to enter university🎓.
參考答案
1. She cries whenever/when her teacher scolds her.
上面都講過，英文要連結句子，連詞係必需嘅。呢句可以用whenever、when等嘅連詞，表達「當……就……」嘅意思。
2. I can't trust him because he is dishonest.
中文冇用連詞，但我哋從句子意思嚟睇，知道係講緊原因同結果。除咗用because，同學都可以用since或者as：
– I can't trust him since/as he is dishonest.
– Since/As he is dishonest, I can't trust him.
3. 要是（我們）有看過地圖，就不會迷路了。
英文係表達緊懊悔嘅心情，後悔當初冇睇地圖，所以蕩失路。中文可以用「要是」、「倘若」、「若果」表達相似意思。
4. 儘管他不怎麼聰明，還是進了大學。
要表達轉折嘅意思，中文除咗用「儘管……但是」，仲可以用「雖然……但是」。
（呢篇文章部分內容改寫自大學翻譯系教材）
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁啊！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
下次再同大家分享更多有用嘅資訊～ 記得密切留意啊🥳
