🤯：「我想搵啲中文參考書溫，但係市面上嘅參考書琳琅滿目，完全唔知道點樣揀，小編有無啲好嘅 DSE 中文參考書推介？」
市面上嘅參考書質素參差，睇落去又個個差唔多樣，都自稱「天書」、「祕笈」，咁究竟邊啲先係真正好嘅 DSE 中文參考書？
呢篇文章整理咗一啲 DSE 中文參考書、補充練習推薦，分門別類，涵蓋卷一閱讀、卷二作文、文言文練習推薦等等，希望你哋可以搵到最實用、最適合自己嘅參考書！🔍
目錄：
一、挑選中文參考書準則
二、全科中文參考書推介
三、卷一閱讀中文參考書推介
四、卷二寫作中文參考書推介
一、挑選中文參考書準則
1）針對弱項 🎯
DSE 中文總共有兩份卷，而市面上嘅參考書嘅類別都非常之細緻，針對唔同嘅卷、唔同嘅能力。所以選擇嘅時候，記得要先唸清楚自己邊一份卷嘅能力比較差，千祈唔好人云亦云，對人哋有用未比會對自己有用！
而且有啲中文參考書嘅內容會寫得好籠統，所以買之前記得要睇清楚裏面內容，睇下係咪真係對自己有用先好買！
2）應考 / 增值？🎓
市面上嘅中文參考書有一類係直接爲備考 DSE 而準備，所以裏面會有好多嘅考試技巧，內容比較濃縮同針對課程重點；而另外有一種參考書係增潤類，爲嘅係增值知識，至於考試嘅時候就有時會用得着、錦上添花。
除左大家耳熟能詳嘅出版社之外，都不妨留意下坊間嘅 DSE 5** 尖子原創筆記，作者親身喺 DSE 呢場考試中取得佳績，相信一定有佢地獨門嘅溫書祕技～
所以選擇中文參考書嘅時候，要唸下係爲咗喺短時間內備考而需要精讀嘅書，定係爲咗充實自己嘅知識寶庫。另外，挑選中文參考書嘅時候都要視乎自己程度，如果係爲咗打底，就可以揀啲內容比較顯淺嘅、精讀嘅；如果係爲咗奪星，可能就要揀啲增潤類嘅參考書啦！
所以喺呢篇文章裏面，NoteSity 小編除咗會按照唔同卷別，都會兼顧備考型同增潤型嘅書，希望能夠推介到啲適合你哋嘅中文參考書！
小編細細聲：NoteSity 已經同各大出版商達成合作協議，經NoteSity 平台購買中文參考書、補充練習一律有折扣優惠架🤩
<<按此瀏覽 NoteSity 網上書店>>
二、全科中文參考書推介 📚
1）《DSE文憑試中文科相關試題參考答案》（NoteSity平台有售）
出版社：Hong Kong Joint-Us Press
類別：備考型 推介指數：★★★★☆
優點：
- 呢本參考書輯錄咗 DSE、會考、高補中文嘅參考答案，裏面有作文大綱、範文、注意事項、錄音稿等等，適合想研究考評局嘅要求同題型嘅同學。
- 考評局每年嘅卷二同卷三示例有限，所以呢度提供咗更多嘅範例，可以睇下人地點樣寫，取長補短。
缺點：
2）《中文科文憑試：活用筆記》
出版社：三聯書店(香港)有限公司 作者：蒲葦
類別：備考型 推介指數：★★★★★
優點：
- 呢本參考書裏面包括四份卷嘅重點、技巧，包括唔少嘅示例同分析，仲整理咗考評局嘅要求、題型嘅分析，完全係考試導向。
- 裏面嘅筆記都幾有用，例如精選咗一啲必讀嘅名言名句、中外論據、意象分類、口語溝通搶分方式等等，都係必讀嘅重點。
- 細細本可以隨身攜帶。
三、卷一閱讀中文參考書推介 📒
1）《透視文言文精讀》（NoteSity平台有售）
出版社：Hong Kong Joint-Us Press
編著者：黃澤榕、姚春琳、何梓慶、吳田各、葉安沂、蔡小麗、鍾璧如
類別：備考型 推介指數：★★★★☆
優點：透視文言文精讀好唔好？
- 書裏面有齊十二篇範文嘅原文、語譯、背景、內容分析、寫作手法、修辭、問答題等等，可以當雞精書咁睇，考試卷一前必備。
- 附錄有跨課題問答，可以訓練比較題嘅作答；又有修辭表、常見文言字詞表、常見文言句式，對卷一白話文同文言文嘅閱讀理解都有幫助。
缺點：
- 書裏面有啲分析同用字可能同學校教嘅唔同，所以小編之前係將學校教嘅嘢，例如更多嘅手法、分析、字詞解釋等筆記補充翻落去，或者貼啲 memo，咁樣就將佢變成範文全書，考試前就淨係睇一本就夠啦！
- 呢本係直版書，有啲人可能會睇唔慣。
2）《閱讀理解》
出版社：三聯書店(香港)有限公司 作者：盧羨文
類別：備考型 推介指數：★★★★☆
優點：
- 呢本參考書裏面介紹咗閱讀理解嘅方法同技巧，例如文章段落同層次嘅關係、散文/議論文 / 說明文嘅閱讀技巧，仲抽咗一啲 DSE 試題分析，適合唔識做卷一白話文嘅同學。
- 有啲章節後面都會有一個小練習，最後附有答案，幫助理解。
- 每章裏面都用咗好多例文做解釋，清晰易明之餘又可以睇多啲文章。
缺點：
- 想要提升白話文閱讀理解需要結合操卷，所以唔好淨係靠呢本薄薄嘅書。
3）《古文觀止》
出版社：各大出版社
類別：增潤型 推介指數：★★★★☆
優點：
- 呢本書之所以咁多人推薦，因爲佢精選咗各種題材嘅文言文，例如書信、遊記、史傳、策論等等，由淺至深嘅文章都有，而且都代表性強、短小精悍，最適合想提升文言文能力嘅同學。
- 市面上大部份《古文觀止》都有原文同語譯，方便閱讀。
4）《文言語譯（增訂版）》
出版社：三聯書店(香港)有限公司 作者：朱業顯
類別：備考型 推介指數：★★★☆☆
優點：
- 呢本參考書整合同介紹各種類型嘅文言字詞、句式，例如常見古今通假字、虛詞、倒裝句等等；亦有教授語譯方法，對卷一文言文篇章理解及語譯嘅題目有幫助。
- 每個章節後面都會有一個小練習，最後附有答案，幫助理解。
- 呢本書小巧而薄，隨身攜帶都無問題；而且排版雅潔、分類清晰，比較易讀。
缺點：
- 書裏面會有比較多專有名詞，例如雙音詞、連綿詞、使動用法等等，啱啱睇嘅時候/底子較弱嘅同學可能需要花多少少時間理解，唔可以速讀。
- 呢本書只專攻文言語譯，而且文言詞彙需要日積月累，所以唔好覺得靠呢本就可以讀通文言文 / 令文言文部分分數突飛猛進。
四、卷二寫作中文參考書推介 📙
1）《我的作文5**之路》（NoteSity平台有售）
出版社：Hong Kong Joint-Us Press
作者：古冰心
類別：備考型 推介指數：★★★★☆
優點：
- 呢本中文參考書收錄咗 28 篇2023 文憑試超級狀元古冰心中學生涯中文科作文。
- 每篇範文都詳細拆解審題方向、分析文章優點，仲會指出文章可以更進一步嘅地方，總結出唔同寫作技巧。
- 可以令同學睇多啲狀元佳作之餘，仲可以了解作文思路、熟習表達修辭、提升寫作能力。
缺點：
- 睇文章係一個需要累積嘅過程，所以淨係 50 篇文章並唔足夠，佢亦唔可以直接幫你提升到作文成績，需要自己嘅鑽研同理解。
2）《邁向5**中文寫作之路》（NoteSity平台有售）
出版社：Hong Kong Joint-Us Press
編著者：許翹欣、陳杏姸、陳俊豪、陳俏華、陳詠儀、麥巧兒、黃海旋、黃慧琦、黃澤榕、黃麗靜、葦澄、潘惠婷、鄭裕誠、盧芷茵、鄺智浩
類別：備考型 推介指數：★★★★☆
優點：
- 呢本中文參考書收集咗 50 篇中文作文，記敘、描寫、抒情、議論文兼備，有往年嘅試題，都有啲近似 DSE 題型嘅題目，種類齊全。
- 每篇範文都分析咗當中點樣審題、主旨、段落大意同寫作手法，呢啲全部都可以參考學習，亦知道點樣先可以扣題同寫得高分。
- 想作文進步就要睇多啲優秀嘅文章取長補短，喺有限嘅時間內睇唔到好多書，睇人地嘅範文就係最佳選擇。
缺點：
- 同《我的作文5**之路》一樣，睇文章係一個需要累積嘅過程，所以淨係 50 篇文章並唔足夠，佢亦唔可以直接幫你提升到作文成績，需要自己嘅鑽研同理解。
3）《中文作文四字天書》（NoteSity平台有售）
作者：三味中文（由三位於 DSE 中文科皆考獲 5* 或 5** 的成績嘅作者合力編寫）
類別：備考型 推介指數：★★★★☆
優點：
- 呢本中文參考書以四字詞為主軸，深入淺出傳授中國傳統美德，同埋為同學提供寫作素材參考。
- 全系列三冊共涵蓋21個四字詞及成語解釋、42篇文章示例，以及超過100個相關例子。
- 參考書內寫作示例全部都以點列形式呈現，為同學提供文章脈絡 / 論點參考，方便寫作嘅時侯應用書中所學。
缺點：
- 即使提供好多寫作示例、論點參考都好，依然好需要自己深入理解每個四字詞嘅意思同應用，再將佢地喺做文章學以致用。
4）《好字好句辭典》
出版社：優閱出版有限公司 作者：李德康、梁嘉俊
類別：增潤型 推介指數：★★★★☆
優點：
- 書裏面都係啲作文嘅常用字詞，字詞分成人物描寫、自然現象、自然景物同顏色四個大類，每個大類下面更加有細分小類；每一個類別都有兩字詞、四字詞同佳句，分類整齊，方便查閱。
- 作文無靈感 / 唔知點表達嘅時候，可以隨時翻開參考，久而久之就累積咗唔少靚字靚句，適合想提升文筆嘅同學。
缺點：
- 對於中文底子較好 / 文筆好嘅同學，裏面嘅字詞對你嘅作用可能不太大，建議先去書局睇下裏面啲嘢啱唔啱你。
最後，要記得參考書並唔係萬能，只係比你「參考」，所以最重要嘅都係要靠自己嘅努力，睇多啲、溫多啲、讀多啲，唔好唸住淨係睇呢啲雞精書就 OK 啊！
上面有啲中文參考書可以喺 NoteSity 網站搵到，而且比出面書局平，如果想睇埋更多中文科嘅參考書、5**尖子筆記、補充練習同溫習筆記，不妨睇下 NoteSity 平台嘅中文科產品！💛💛
以上就係唔同卷別推介嘅一啲 DSE 中文參考書，希望對你哋有幫助啦，加油！！🔥🔥
此文章純屬作者個人分享，並不代表本網誌立場。
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 訂購高質 DSE 筆記、補充練習與參考書：熱門產品 | 最新產品 | 優惠套裝 | 產品分類
下次再同大家分享更多有用嘅資訊～ 記得密切留意啊🥳
