如果要考好歷史科，同學一定要處理好 DBQ。今日 NoteSity 邀請了 Frankie Jai 為大家講解一下。同學喺做DBQ嘅時候a、b題往往唔會構成好大嘅困難，只要學識相關嘅技巧，通常都得心應手，喺度唔逐一敍述。今次會拎2018年嘅Q1, Q2嚟作一個分析，教大家點樣解好（c）題。

P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！

P.P.S. 記住 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。

關於 fm_chis.academy:
  • 現就讀於香港大學文學院，在2019 DSE 通識、中史、歷史科均取得5**成績。 
  • 其中，fm_chis.academy 的 DSE 歷史科成績更高達85.6分（197/230），遠超5** cut off 近10分，DBQ達9成分數 （54/60），論述題亦近八成分數（39/50），實力無庸置疑。 
  • fm_chis.academy 於 NoteSity 平台上以優惠價售賣以下筆記及練習，想升grade嘅同學可以購買：

 

【2018 Q1】 香港的現代化與蛻變

1967至97年間，香港殖民地政府展示了改善管治的能力。你是否同意此說？ （The colonial government of Hong Kong demonstrated an ability to improve it governance in the period 1967-1997. Do you agree？）

1. 拆題
－ 注意年份限制，史實唔可以超越年份 （1967-97）
－ 留意「改善」，可以提一提本來嘅情況係點
－ 「是否同意」毌須以程度立論，亦不須駁論 （中史都係，得通識問「是否同意」先要駁論）

 

2. 資料運用

－ 資料A同資料B講嘅都係香港皇家警察嘅工作表現，可以分段析論資料A香港警察點樣欺善怕惡，之後講資料B香港警察嘅工作質素改善 （可惜，近年之後又倒退返）
－ 資料A同B另一個用途係分析廉潔程度。資料A中市民隨地吐痰，其實只係需要罰款一百蚊，但係警察卻索要一千蚊，以權謀私 ; 但隨着香港政府的改革（e.g. 就我所知，1974年建立廉政公署打擊貪污），因此資料B的警察唔願意收規。

上面嘅你求其揀一個，分開資料A同資料B，完整寫就可以拎足4分。所以，你可以見到兩則資料唔一定只係參考答案上面嘅先啱，實質可以有另一啲嘅詮釋。

 

3. 其他可討論史實

作答資料題嘅時候，雖然唔使話好似Essay咁多角度，但係都切忌流於單一角度。「管治能力」除咗講政治，例如上面嘅貪污問題同無提嘅民主化發展（區議會、立法局非官守議席減少、民選議席增加）、華人政治參與（陳方安生擔任布政司、曾蔭權擔任財政司等，更為重視廣大華人的聲音，增加認受性同作出更具針對性的政策）外，亦可包括社會方面，例如教育問題（六年免費教育、九年免費教育、高等教育擴展）、房屋問題（十年建屋計劃、居者有其屋）、民生問題 （公援）和人口問題 （抵壘政策、即捕即解）等，並提到改善咗呢啲問題又有咩效果。

公開版評卷參考從來都唔係展示曬所有答案，同學無需要太過擔心，只要言之成理，又符合史實，即可得分。

 

訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科

 

【2018 Q2】 中國的現代化與蛻變

假設你是活於1911年的中國學者，你會想當一個改革者還是革命黨人？解釋你為何選擇其中一方，卻不選擇另一方。（Suppose you were a Chinese scholar in 1911. Would you prefer to be a reformer or a revolutionary？ Explain why you prefer one, but not the other.）

 

1. 拆題
－ 注意年份限制，史實唔可以超越年份 （1911或之前，即係講清末新政同革命思想 e.g. 三民主義）
－ 留意「假設」，代入作為中國學者嘅情景，唔好馬後炮 （正如年份限制）
－ 「為何選擇其中一方，卻不選擇另一方」可以同段析論，但由於係DBQ嘅緣故，亦可以斬開處理，先講完革命黨或者改革者嘅2-3個論點，再講另一邊嘅論點，咁會容易d處理
－ 唔好玩嘢走去答「程度」，形同自掘墳墓

 

2. 資料運用

－ 資料C 講改革，包括鐵路、電報、郵局。如果想做改革者，按番資料C 嘅內容去講就ok。但如果你想革命，可以運用就我所知去駁資料C嘅內容，例如保路風潮嘅問題。但就算用就我所知，都記得先完整講咗資料C 嘅內容 ; 如果唔係，你就拎唔到資料C 嘅兩分。
－ 資料D講革命，講革命黨人嘅愛國熱情。只要順著方向去寫就得，無需要加任何自己嘅史實。如果唔同意做革命黨，咁可以直接用番資料入面話佢哋被認為係「危害國家嘅派別」，令到國家陷入混亂。

 

3. 其他可討論史實
同樣，喺寫清末新政同辛亥革命嘅時候，同學切記流於政治角度 ; 如果唔係，你唔會寫得多points。政治角度上，可以寫嘅係拖延憲法、皇族內閣，顯示清廷無心改革 ; 相反，革命黨人一心成立民主共和政體，解除專制，可引孫中山民權主義（孫中山冇講過民主主義啊！）。又可以從民族角度，析論滿漢之分、排滿主義/國家版圖問題。經濟角度上，除咗上面清廷嘅鐵路、銀行，可以討論革命黨嘅民生主義（平均地權）。同時，亦都可以由其他角度講下清廷點樣腐敗無能，相信大家讀清末新政現代化局限時涉獵不少。
 

🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁啊！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～ 

💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！

📚 訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科

 

 

下次再同大家分享更多有用嘅資訊～記得密切留意啊🥳