英文卷三入面嘅integrated skills 一直係好多同學嘅頭痛位,又要聽錄音take notes,又要係Data file 摘錄合適資料完成寫作嘅Tasks,好多同學成日覺得抄晒recording又唔知邊啲有用,邊啲無用,仲會因為掛住係Data file搵啱嘅資料而唔夠時間完成writing tasks。今日小編就同大家分享下點樣可以運用考試技巧,係呢寶貴嘅5分鐘準備時間幫大家節省更多時間做卷!🤩

 
一、綜合卷需知🤫
英文卷三分左兩部分,分別係Part A同Part B。Part A係Listening,而Part B係Integrated writing,而Part B再分Part B1 同B2 ,俾同學二選一,由於B1難度較易,最高只會獲得level 4嘅成績。好多學校為左節省出卷成本或者想學生只做某一份卷,學校考試唔會出B1同B2,只會直接出份Part B。所以唔熟悉英文DSE考試嘅同學記住,記住,Part A係必答,Part B係揀B1或者B2做,唔好兩份都做!同學係無可能做得切,更何況考官只會改一份,無話邊份高分就做最後成績㗎!

 

二、綜合卷黃金5分鐘技巧
做晒Part A Listening 之後,同學會有5分鐘時間睇Datafile同Part B1/B2 question answer book,呢5分鐘非常關鍵!好多同學會直接睇Datafile嘅Tasks 同相關資料,但如果想節省時間,係應該睇左Part B答題簿嘅題目先,一齊睇下:


圖片來源:2017 DSE English Language Paper 3 Part B2 Question-Answer Book

大家見唔見到有咩分別呢?Task 9就話using information from the Data File and your notes,而Task 10就係using information from the Data File,亦即係話,Task 9要用note-taking sheet抄嘅嘢作答,而Task 10只係需要用datafile入面嘅資料就得!知道之後大家做嘅時候就唔會用錯聽嘅資料啦!

假設同學揀B2做,呢個時候可以快速睇B1答題簿嘅邊個Task要聽,再去B1 Data File Note-taking sheet嘅第二頁,即係你要寫嘅task requirements。B1?但同學揀B2喎!係呀,你無睇錯,係B1嘅task requirements 入面會分左好清楚3段文字,分別註明3個task嘅要求,而入面有keywords同Datafile嘅note taking sheet一樣(B1同B2嘅Note taking sheet入面嘅內容係一樣,因為播同一段錄音,所以入面有啲標題係屬於B1有啲係B2,永遠唔會重疊,所以識別到B1/B2就可以聽少啲無用嘅資料)當同學發現某啲task requirements 嘅keywords同note taking sheet嘅某啲小標題一樣,就代表嗰part係B1要用嘅資料,你係唔需要用,即係唔需要聽!而剩低嘅小標題就係到時B2需要用嘅資料啦!

 

三、技巧教學💡
實際步驟如下:

1. B1 Question-Answer Book只有Task 5 & Task 7會用note-taking sheet


圖片來源:2017 DSE English Language Paper 3 Part B1 Question-Answer Book

 

2. B1 Data File Note-taking sheet後面嘅Task requirement

圖片來源:2017 DSE English Language Paper 3 Part B1 Data File

 

3. 好快掃視完B1第2同4段task requirements嘅keywords “Facts”同 “Jade Islands…problems”後發現B2 Note-taking sheet嘅 “Facts about Jade Island”同 “Problems with the Jade Island”根本唔需要聽同抄。❌

圖片來源:2017 DSE English Language Paper 3 Part B2 Data File

 

4. 唔信?睇下B2 Data File note-taking sheet 後面嘅Task requirements。第2段Task 8關於”Golden Flower Adventure Mall”,第3段Task 9關於 “Golden Flower Island”,換言之如果做B2,Data File只係需要聽一半!

圖片來源:2017 DSE English Language Paper 3 Part B2 Data File

之後,同學就利用剩低嘅準備時間睇B2 Task requirements,mark低B2 Data File每頁嘅資料屬於邊幾個task啦!

 

四、錄音播放時📼
錄音開始後,馬上去返B2 Note-taking sheet 抄需要聽嘅嘢,當你係錄音聽到Data File標題嘅keywords,即係佢哋將要講呢個標題嘅內容,咁你就要全神貫注咁抄重點啦!屬於B1嘅標題當然就唔洗聽啦,以2017 Paper 3為例,錄音上半部分都係講 “Facts about the Jade Islands”同 “Problems with the Jade Islands”,屬於B1部分,唔洗聽,對眼可以專心睇Data file,配對返B2各個task嘅資料,但耳仔一定一定要留意錄音幾時講到要聽嘅標題(keywords)。咁串?😳大家都抄嘢嘅時候走去睇Data file?記住B1/B2 writing tasks只係需要用Note-taking sheet嘅一部分,無嘢抄就把握時間睇Data file,咁樣會慳返好多時間做卷㗎!

相信大家都係第一次聽呢個咁神奇嘅考試技巧,可能會半信半疑,大家可以先試下做幾屆DSE嘅past paper,用返上述技巧,初頭可能唔慣要成日要睇B1/B2卷,之後就會越用越純熟,真係慳好多時間做卷㗎!希望呢篇小貼士幫大家係英文卷三獲得佳績啦!🥳🥳