如果要喺 DSE 中文考取 5**，中文卷二作文寫作呢份卷你絕對唔可以失手。同學仔可能覺得中文作文呢份卷比較難準備，所以 NoteSity 小編收集了一系列同學仔對於中文作文嘅問題，邀請咗 @dse_chihelper 同大家分享作文技巧及心得分享，幫大家應試😆 各位細心閱讀喔❤️

P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！

P.P.S. 記住 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。

關於導師 dse_chihelper:
Hello～大家好
我係@dse_helper嘅小編💕
平台希望幫大家進入備戰狀態📝🔥
而平台亦有 DSE 中文模擬試卷 (範文及文言文) 售賣
令大家喺最短嘅時間掌握重點升grade🤩
最後 祝大家DSE 順順利利 直入A1‼️

 

1. 分析試題題型

同學知道近幾年作文卷都會有三題，分別係抒情文、議論文同埋開放題。相信日校老師都有教你哋呢三種題型分別有咩注意嘅地方，三種文類唔同既作品最後都係要深刻地帶返故事道理或立意。所以當你係落筆之前，諗嘅除咗係揀自己平日熟悉嘅文體之外，緊記要諗返自己構思既故事情節，適唔適合套用落題目！

唔好睇小呢一步，好多同學仔未審題清楚就做，最後故仔情節/內容會好容易離題，所以落筆之前真係要諗清楚😦

 

2. 安排情節鋪排及立意部份

作開抒情文或者開放題嘅同學仔，如果你已經構思好個故事，一定唔好顧住交代情節。即係我哋平時睇劇嘅交代劇情部分，因為marker冇咁多時間留意你交代故事嘅真實性或者枝節，反而係想睇你最後帶出乜嘢道理（立意），嗰個先係內容關鍵取分嘅地方。

不過如果同學仔真係想交代劇情，可以善用對話同埋心理描寫（側面描寫），甚至可以喺情境之中透露人物性格，咁樣可以幫你修辭嘅分數提高架！🤩

 

3. 議論文如何準備？

小編係中學嘅時候發現好多男仔都會作議論文，可能男仔唔係成日練文筆。而議論文可以用一啲例子搭救，修辭分數嘅高低唔太在於文筆，係睇你有冇用下比喻、議論方法等等，或者整體嘅語調及行文結構。所以小編強烈建議大家就算有背例子嘅同學，喺作議論文之前寫低你哋嘅論點，而論點主題句要寫得清晰明確，咁樣會大大提過落筆時候既準確度！

除咗諗例子之外，亦都想提醒同學，一篇議論文題目出得一定有佢背後嘅道理，所以最後一段除咗係總結自己嘅論點之外，都可以嘗試揣測呢題題目背後嘅深度係乜嘢㊙️ 例如有一年既談知己/敵人，其實立意嘅位置可以推到個人心態同成功嘅關係，而呢個時候立意你可以寫出心態決定境界/逆境自強等勉勵的道理，咁考官請對你嘅印象亦都會提高🤩🤩🤩

 

4. 欣賞佳作吸收養分
小編以前日校老師都會派一啲佳作，甚至考評局網上都會有考生實例可以參考，小編估計通常大家睇完就算😝講一句「哇！佢作得幾好喎。」當然欣賞嘅時候你都會吸收左寫作嘅靈感，但最重要嘅係要將佢實踐出嚟！

小編個人認為背佳詞佳句嘅作用唔大，係因為每一篇文章用返嗰啲佳句嘅可能性唔大，但反而幻想情景、幻想人物外貌更容易啟發我哋創作！用以下兩個例子為例，如果寫父親，你想流露佢平時辛勤工作而忽略你嘅感受：
❌父親每天早出晚歸，回到家也很少時間和我聊天，因此我們的關係疏離，我也很少把內心的感受表達出來。
⭕️睡夢中的我隱約聽見鎖匙轉動門鎖的聲響，大概是他回來了吧。這種寂靜中的聲音如同我內心欲對父親流露的情感，一瞬間被鎖上，彷彿有一道隱形的圍牆把我們分隔開。

第一個例子過於直白，第二個例子反而有種引導讀者進入你內心世界、幻想你同父親嘅情景既感覺，用字亦都唔會太過艱深難明，呢啲就係點解抒情文可以高分既位置，下次作文即使唔用父親，流露對其他人嘅感情都可以咁樣用💯

 

5. 立意構思
我好多同學仔都唔明到底有乜嘢故事情節或者立意可以用落篇文度，表示：我又唔想咁悶成日去都係寫友情喎…
以下有幾個小編常用既立意位可以幫大家吸收多啲靈感🔐👇🏻👇🏻👇🏻👇🏻👇🏻👇🏻👇🏻👇🏻👇🏻

  • 人際關係（朋友、同事、親人、愛情）
  • 生離死別（至親、老人、醫護、動物）
  • 富貴貧窮（弱勢社群、個人名利、價值觀、城市變遷、城鄉差異）
  • 貧亦可樂（安貧樂道、人生態度、淡泊名利）
  • 苦難當前（笑看人生、忘懷得失、克服無力感）
  • 中庸之道（明白別強求、平常心、低調）
  • 作德不惡（人情冷暖、以德報怨、內心美、人性光輝）
  • 樂觀豁達（與大自然融合、忘我、世界之大vs自身緲小、釋然放下）

每一個主題既第一個字就係小編送比大家既金句😝💕
「人生富貧，苦中作樂。」

 

🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁啊！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～ 

💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！

📚 訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科

 

 

下次再同大家分享更多有用嘅資訊～記得密切留意啊🥳