😣：「小編，我宜家讀中四/中五/中六……可以點樣準備 DSE？」
🥺：「我應該要點樣溫書？點寫筆記？點背書？用 iPad 寫筆記定係用手寫比較好？……」
NoteSity 小編成日都收到以上呢啲類似嘅問題，似乎去到高中，大家溫書就唔知從何入手，又或者唔知邊種溫書途徑適合自己……
唔使擔心！宜家小編就一次過整理咗啲高中溫書嘅方法，一條龍解答同學仔嘅問題，希望可以幫到大家搵到啱自己嘅溫書方法，提高成績啦！🤩
目錄：
一、有咩溫？——訂立高中溫書計劃
a) 中四
b) 中五
c) 中六
二、點樣溫？——做齊溫書四部曲
a) 寫筆記
b) 背書
c) 操卷 / 做練習
d) 檢視及總結
三、用咩溫？——選擇合適溫書媒介
a) 手寫筆記：書+便利貼
b) 手寫筆記：筆記簿
c) iPad筆記
d) 電腦筆記
一、有咩溫？——訂立高中溫書計劃 📝
開始溫書之前，首先要知道自己有咩要溫！高中同初中好唔同，每一年嘅時間都喺度倒數，所以要視乎自己剩低幾多時間嚟調整溫書目標。越臨近 DSE，就越係需要審視自己情況，然後調整學習重心，喺短時間裏面儘量提高 DSE 分數！
如果同學去到最後一年，見到下面咁多嘅計劃都無做過或者 miss 咗，都千祈唔好太慌張！以下嘅計劃只供參考，亦係比較理想嘅情況，但其實計劃係死嘅，人係生嘅，記得要因應自己情況變動——只要肯溫，永遠都唔怕遲！
a) 中四 🖖
溫習時間（9月至8月）：
平日放學、星期六日及公眾假期、聖誕假、新年假、復活節假、暑假
中四同學啱啱開始高中課程，雖然時間會比較多，但中四學嘅嘢 DSE 都係會考，好多同學去到中六已經唔記得曬，所以記得要喺中四打好基礎：
-
中四學嘅嘢一定要記熟
-
上堂之前可以先做好預習，上堂嗰陣就更容易明白
-
定時整理已學內容嘅筆記（以一個禮拜 / 一個月 / 一次統測考試爲整理週期）
-
可以開始嘗試做一啲 Past Paper 題目，到咗中五中六可以再做一次甚至幾次，檢視自己有無進步 / 熟練
-
儲定一啲語文科嘅分卷筆記（例如中文作文佳詞佳句、英文作文 Vocab / Phrases）
b) 中五 🖐
溫習時間（9月至8月）：
平日放學、星期六日及公眾假期、聖誕假、新年假、復活節假、暑假
開始迫近 DSE，通常同學仔都會喺中五先開始嚟緊張，於是瘋狂去補習。但其實，齋補習唔溫書、唔整理、唔自我檢視，對於準備 DSE 都係無益。中五最重要嘅係確保中四啲基礎已經打好，而且開始進入操卷狀態：
-
學校開始進入教授較難嘅部分，所以上堂之前更加要預習，以免上堂嗰陣唔明
-
溫書以清 concept 爲主（一啲科目例如經濟科，只要清好 concept 已經可以確保到大部分分數）
-
Review 一次中四學過嘅嘢，有咩仲係唔明 / 唔熟，要問返清楚老師、同學、補習老師
-
學校應該開始操卷，需要總結返自己有咩唔清楚嘅地方 / 做錯嘅題目
-
如果時間精力允許，要開始 By Topic 地累積自己嘅筆記
c) 中六 🤙
溫習時間（9月至4月）：
平日放學、星期六日及公眾假期、聖誕假、Study Leave
去到中六，已經係最後衝刺階段，所以計劃應該要因應自己 DSE 目標分數同 JUPAS 志願，好好分配時間同精力，將佢哋用喺正確地方，確保自己可以喺最短嘅時間提升最多：
-
睇清楚想入科目的計分方法，喺科目上做取捨，合理分配時間
-
可能最多可以操到一次卷，所以操卷之後嘅總結就好重要——專注於自己做錯、唔明、唔肯定嘅地方溫習
-
會無咩時間整理筆記，所以應該選擇性做筆記，例如建立自己嘅錯題簿
-
針對自己嘅弱項做練習
-
善用雞精書，檢視自己有無遺漏考試重點、加深記憶
-
考 DSE 之前可以整理一份考前重點 Checklist，儘量精簡，可以比自己臨入考場之前快速溫一次
想知道點樣具體訂立溫書計劃？可以睇下呢篇 NoteSity 呢篇文章：DSE 高中溫習時間表及溫習策略（中四至中六適用）
二、點樣溫？——做齊溫書四部曲 💃
淨係對住本書呆坐、揭下望下咁就一個鐘，結果發現啱啱背過嘅嘢已經唔記得曬，去到考試嘅時候更加一片空白……唔知有無同學有咁嘅情況？就咁坐喺度梗係溫唔入腦啦，要令到自己溫書有效率，除咗淨係「輸入」知識之外，都要「輸出」先得㗎！
P.S. 增加溫書動力、保持專注力、時間分配、紓解壓力都係溫書重要嘅元素，可以睇返 NoteSity 嘅其他讀書心得分享啊！
延伸閱讀：
a) 寫筆記 📒
有啲人就一定要寫筆記先溫到書，但係有啲人寫完筆記好似都無咩用，點解？因爲佢哋寫筆記嘅方法唔同——有啲人爲寫而寫、人寫我寫、直接抄寫……咁樣梗係無用啦！寫筆記係一個「輸入 + 輸出」嘅過程，需要自己消化重整，將重點抽絲剝繭，而且整理完有滿足感又可以加深印象，所以小編都幾鐘意寫筆記。
而要決定使唔使寫筆記、寫邊科筆記、寫筆記對自己有無用，就先要了解清楚自己情況，問下自己以下問題：
b) 背書 🗣
基本上除咗數學科主要背啲公式之外，無一個科目係唔需要背書，所以我哋講「溫書」嘅時候，大多都係指「背書」。但係記憶力往往係溫書考試嘅一大硬傷，根據艾賓浩斯遺忘曲線，記憶後20分鐘有58%內容會被記住；1個鐘後記得44%；1日後就已經得返26%內容會記得。而DSE 需要長期記憶，所以就需要不斷重複背誦，鞏固自己嘅記憶，將短期記憶變成長期記憶……咁有咩方法可以加深自己嘅記憶？
-
配合動作
-
溫書淨係坐喺度，個腦其實唔係好郁到，需要用其他感官或動作嚟刺激自己嘅記憶
-
可以將要背嘅內容同一啲動作結合，或者每次背嗰樣嘢嘅時候做同一個動作
-
→ 例如好似物理咁樣，學電磁學嘅時候都會學一個手勢——左手三隻手指互相垂直，每隻手指就代表三個電流方向，於是自然就會記得呢個抽象嘅定律啦！
-
畫圖聯想
-
圖像記憶總係會深刻啲，所以可以嘗試畫唔同嘅圖畫幫助記憶
-
→ 例如中文範文《廉頗藺相如列傳》，成篇包含咗三個故事，可以嘗試爲三個故事分別畫一副圖，畫火柴人都無問題，最終要係展現到裏面嘅細節——例如藺相如喺秦王面前想同璧玉同歸於盡，怒髮衝冠就真係畫啲火上去咁
-
有時候仲可以發明一啲千奇百怪、毫無邏輯嘅圖畫幫助記憶
-
→ 例如英文「ascending」、「descending」好容易撈亂，就唸下，「a」係矮啲，「d」係高啲，所以「ascending」係由矮至高，即係上升；「descending」係由高至矮，即係下降
c) 操卷 / 做練習 ✍
寫完筆記，背完書，都唔代表自己真係識，所以做練習或者操卷真係好重要——需要檢驗自己係咪真係識用返學過溫過嘅嘢，同時又令自己可以熟悉、進入考試模式。
-
操卷
-
歷年 DSE Past Paper 先至係最有參考價值
-
首先可以 By Year 咁操，計時做，將自己浸入考試模式，因爲喺考試模式下同平時做練習嘅狀態都會有啲唔同
-
然後 By Topic 咁樣做，特別弱嘅 Topic 就可以做多啲，唔好擺咁多時間做啲已經熟曬嘅 Topic
-
一份 Past Paper 可以操幾次，因爲無可能做到滿分，而且每一次錯嘅嘢可能都會唔同，中四同中六做嘅結果都完全唔同，亦會注意到啲以前睇唔到嘅嘢
-
如果已經吃透曬啲 DSE Past Paper，都可以搵返啲高質素嘅模擬試卷，可以搵下老師推薦！
-
做練習
-
主要喺中四同學需要先打好基礎，咁就可以搵定啲練習做
-
搵練習嘅時候需要留意出版社或出題者質素，搵返一啲高質素嘅參考書、分類練習等等
-
針對自己嘅弱項，例如文言文比較弱就去搵文言文練習嚟做
d) 檢視及總結 🔎
唔知細心嘅同學仔有無發現，小編成日都強調要檢視自己、針對自己嘅弱項呢？因爲只有知道自己嘅強弱項，先至可以針對性制定適合自己嘅計劃，提高溫書效率，喺迫近 DSE 嘅有限時間裏面，儘量提高最多嘅分數！
每次溫完書或者考完試，同學不妨可以問下自己以下問題（有啲人甚至會搵本簿仔或紙仔寫低）：
三、用咩溫？——選擇合適溫書媒介 💻
好多同學仔都會問，宜家無論係上堂定係交功課，都有電子化嘅趨勢，究竟自己溫書嘅時候又係咪需要電子化呢？但其實溫書同記筆記嘅時候，無論係用手寫喺書、手寫喺筆記簿、用 iPad、用電腦，都沒有最好，只有最適合。所以快啲睇下下面各種溫書媒介嘅比較，睇下自己最適合用邊一種方法溫書啦！
a) 手寫筆記：書+便利貼 📖
比較適用於：
優點：
-
將老師補充嘅重點直接寫返喺書裏面嘅相關部分，筆記比較直觀同容易搵到
-
節省重新整理筆記嘅時間
-
唔夠位都可以直接用 memo 紙 / 活頁紙貼喺書裏面作補充
-
溫書嘅時候可以直接對應返書裏面比較詳細嘅解釋/例子
-
有啲人比較擅長圖像記憶，筆記寫喺書裏面，由於教科書通常都係彩色印刷，每頁排版特色都唔同，所以反而會記得啲重點喺第幾頁，背書嗰陣更容易勾起記憶
缺點：
b) 手寫筆記：筆記簿 🗒
比較適用於：
-
寫字比較整齊、整理能力比較好、有條理嘅同學
-
需要畫圖嘅科目（數學、生物、化學……）
-
語文科（中文、英文）
優點：
-
更有系統梳理學習內容，可以建立唔同嘅筆記（例如 By Topic 考試重點筆記、答題技巧筆記、錯題本……）
-
有研究發現，對於語言學習，手寫更有利於閱讀、拼寫同理解能力，所以手寫筆記可以加深同學對於語文科（中文、英文），特別係一啲單詞句子嘅記憶㗎！
-
研究亦顯示，手寫有助於記憶，所寫嘅內容會喺大腦停留更長時間
-
筆記唔係直接抄書，而係經過自己消化之後用自己嘅方式重新表達，寫出嚟嘅筆記對自己而言更加簡單易明
-
可以用唔同縮寫符號表示（例如：e.g.、箭嘴、∵、∴、英文縮寫……）
-
手寫一本專屬自己嘅筆記簿，有強烈嘅個人風格，滿足感比較大
缺點：
c) iPad 筆記 📲
比較適用於：
-
寫字比較整齊、整理能力比較好、有條理嘅同學
-
需要畫圖嘅科目（數學、生物、化學……）
優點：
-
可以隨意改動、增減內容，比手寫筆記更容易寫得整齊
-
同時具有手寫筆記嘅優點——有助加深印象、有助語言學習
-
有分屏功能，可以同時一邊睇資料一邊寫筆記
-
容易 Copy & Paste，可以導入唔同素材，例如圖片、網頁、PDF等等
-
可以同步上雲端，手機、iPad、電腦都可以睇到，即使 iPad 唔喺手都可以溫書
缺點：
-
成本較高，除咗 iPad 本身，可能仲需要買 Apple Pencil、筆記 app（GoodNotes, Notability, etc）
-
喺學校就無得睇住電子筆記嚟溫書，但都可以選擇 print 出嚟
d) 電腦筆記 🖥
比較適用於：
優點：
-
手殘黨福音，電腦字體、筆記格式等可以對齊統一，更加整齊
-
可以隨意改動、增減內容
-
打字相對手寫會更快，寫筆記嘅時候更有效率
-
有唔少線上工具可以用（字典、翻譯工具、Excel 表格等）
-
容易 Copy & Paste、導入圖片
-
上網搵資料或開檔案，可以同時打開好多分頁，整合筆記更方便
-
可以同步上雲端，手機、iPad、電腦都可以睇到
缺點：
-
對於數理科嚟講，比較難畫一啲複雜嘅圖，一啲符號都比較難直接打出嚟
-
喺學校就無得睇住電子筆記嚟溫書，但都可以選擇 Print 出嚟
-
有啲人會唔係咁鐘意對住電腦字溫書，溫書嘅時候相對手寫嘅比較難記憶
以上就係 NoteSity 小編整理嘅高中溫書方法全攻略，內容係咪好豐富呢？希望可以幫到大家好好準備 DSE 啦！但大家都唔好齋睇唔做，要身體力行先知有無用架嘛！Just Do It！！🔥🔥
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁啊！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
下次再同大家分享更多有用嘅資訊～ 記得密切留意啊🥳
