👧🏻:「Nursing 讀啲咩?讀 PolyU nursing, HKU nursing, CU nursing 又好唔好?」
😀:「同學仔,你地睇完呢篇文就會加深對Nursing的認識㗎啦!!」

DSE 快到了〜 相信各位同學仔都已經諗好左想讀咩學系同自己嘅前路。今日,NoteSity 小編就同大家介紹下其中一個熱門的醫療學科 — 護理學,希望可以令有意選讀 Nursing 的同學仔了解更多課程要求,從而做出審慎的選科決定。

一、拆解護理學的迷思🗝

唔少同學仔對護理學都有好多疑問,接下來就等 NoteSity 小編一一解答你地的問題啦!

 

👫「護理學女多男少?」

  • 小編成日都聽到人地問呢個問題!🤣
  • 其實,護理學唔再好似以前咁女多男少。
  • 依家香港嘅醫療體系人手緊張,對醫護人手嘅需求有增無減,有唔少男仔都選擇投身護士呢個行業。
  • 好似小編嗰班嘅護士學生,男女比例就大約係四比六喇。
  • 所以,有意選讀 Nursing 的男仔不必因為職業定型而卻步〜

 

📖「護理學讀啲咩?」

  • 各大院校的課程結構都唔一樣,但內容就大同小異。而各院校的護理學需要修讀5年時間。
  • 以 PolyU 為例,同學Year 1 嗰陣會修讀解剖學 (Anatomy)、生理學 (Physiology)、藥理學(Pharmacology)、公共衞生和傳染病控制(Public Health and Infection Control)等等。
  • 至於 Year 3嗰陣就會接觸多啲護理專科,例如兒科👼🏻、婦產科🤰之類,仲會深入了解身體唔同系統嘅疾病同處理方法。而Year 2 至 Year 5 其間都會有實習,比同學親身落到唔同嘅病房體驗。
  • 同學平時亦有機會喺學校實習,因為老師會將實驗室佈置成模擬病房,入面仲有模擬病人比同學去照料。
  • 如果你地中學有讀過生物科就更好喇〜因為 Nursing 好多時都要記好多身體結構,當中唔少科目都係中學生物科的進階版。

 

💉「護理學有咩考核形式?」

  • 護理學主要有兩種考核形式。第一種係筆試,考翻平時上堂學的知識。第二種就係實習試,係考一啲護理技巧,例如洗傷口、篤手指驗血糖、派藥等等。
  • 另外,護士學生閒時都要參加一啲社區基層健康服務,呢啲服務嘅時數同實習鐘數一樣都係計落畢業要求。

 

💵「護理學的實習計唔計人工?」

  • 實習屬於一種學習過程,學校會有老師帶住你地一齊出病房,所以係唔計人工㗎〜
  • 而醫管局每季都會請兼職學護幫手,只要係Year 3以上嘅同學就可以申請,呢種學護臨時職位先至會計人工,但同時,學校亦唔會負責你做兼職時嘅表現。

 

二、如何判斷自己是否適合選讀護理學?👩🏻‍⚕️ 

多數同學仔想讀護理學,都係因為一出嚟就有工做同埋人工高呢兩點。但除左呢兩個考慮因素之外,你地都要判斷自己適唔適合做一個護士〜小編就認為一個護士學生或者護士最主要需要有以下嘅特質:

  1. 認真嚴謹:
    呢個特質小編認為係最重要。護士需要為人地嘅生命負責,例如話派藥時,倒多左0.01ml嘅藥水都要重新倒過,所有程序都係要一絲不笱,而做事敷衍就會害咗嗰病人。
    作為護士學生,要讀嘅野都非常多,所有醫學名詞、身體結構、骨頭名稱等一概都要瞭如指掌,所以,有意選讀護理學嘅同學要明白,入左大學之後嘅玩樂時間無其他科咁多,都要認真讀書〜
     
  2. 刻苦耐勞:
    唔知同學了唔了解護士呢份工做啲咩呢?相信同學都知道護士係厭惡性行業,好多時都係由護士去處理一啲污糟野,例如經常要面對血、發炎嘅傷口同病人嘅排洩物等等。
    除此之外,依家醫院長期人手短缺,護士要身兼多職,有時仲要輪班。所以,有意選讀護理學嘅同學要有心理準備。
     
  3. 高情商:喺病房入面工作除左做野做得唔好俾人鬧,或者俾病人同病人家屬發洩情緒之外,護士仲會見識到好多嘅生離死別、人生百態等。所以,擁有高抗壓力都好重要㗎!💪🏻
     
  4. 決心:最後,只要你地有決心成為護士,並了解同接受護士呢份工嘅性質,以上特質都可以慢慢用心去培養,唔駛因為現階段嘅自己做唔到而限制自己。

三、比較各大院校的護理學系🏫

香港主要有三間大學提供護理學課程,依家就等小編同大家比較一下各大院校嘅護理學課程。

 

 

 

香港大學

香港中文大學

香港理工大學

課程名稱

護理學學士

護理學學士

護理學(榮譽)理學士學位

修讀年期

5年

5年

5年

專業資格

RN——註冊護士

RN——註冊護士

RN——註冊護士

計分方法

Best 5

(*沒有理科優先的要求)

4C+2X (選修科為生物/化學/物理/組合科學/綜合科學優先)

4C+2X (選修科為生物/組合科學比重較大)

門鑑/收分

(2020年)

  • UQ: 26

  • M: 25

  • L: 25

  • 設有面試

  • UQ:30

  • M:29

  • L:28

  • 設有面試

  • Mean: 29.4

  • 沒有面試

特色

  • 強調理論和實踐並重。

  • 多元化的學習模式,如解難為本的小組學習、視聽教材等。

  • 附有實驗室教學和模擬活動。

  • 課程排名屬本地和亞洲第一。

  • 以專業教育和學術嚴謹聞名。

  • 提倡全人發展,把「學生交流計劃」列入主要選修科,以培養學生的文化素養,從而推動護理實踐,配合不同社會環境的需要。

  • 歷史悠久,是全港首間提供護理學課程的大學。

  • 結合創新教學,例如模擬病房、網上程式學習等。

  • 透過多項小組研習,培養學生的合作和溝通能力。

世界排名

(根據 2020-2021年 QS 世界大學排名之護理專業排名

 

39

21

31

 

今次嘅分享就到呢度喇〜 希望可以幫到各位同學更加了解Nursing呢一科!💛