你的購物車是空的

${{ (item.variation.media ? item.variation.media.alt_translations : item.product.cover_media.alt_translations) | translateModel }}$ ${{ (item.variation.media ? item.variation.media.alt_translations : item.product.cover_media.alt_translations) | translateModel }}$

{{ childProduct.title_translations | translateModel }}

{{ getChildVariationShorthand(childProduct.child_variation) }}

{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

{{ getSelectedItemDetail(selectedChildProduct, item).childVariationName }}

{{item.quantity}}x HK$0 {{ item.unit_point }} 點

刪除

${{addonItem.product.cover_media.alt_translations | translateModel}}$

{{addonItem.quantity}}x {{ mainConfig.merchantData.base_currency.alternate_symbol + "0" }}

刪除

【HKU Dental 全攻略】JUPAS 收分、出路及常見問題

🤨「牙科唔係淨係讀牙齒相關嘅知識㗎咩？點解要讀六年咁耐嘅？」、「HKU Dental 曾位居全球第一，係最頂尖嘅學府之一，實際收生情況又係點㗎？」

相信唔少同學對牙醫呢科都感興趣，而且對呢科有唔少疑問～今次就等 NoteSity 小編同大家揭秘一下香港大學 (HKU) 嘅牙醫學士 (Bachelor of Dental Surgery) 到底係讀啲咩～

文章目錄

一、科目簡介 📖
二、入學要求（JUPAS 收生分數及準則）
三、畢業出路 💼
四、常見問題 🙋🏻‍♀️

一、科目簡介 📖

牙醫學士(JS6107) 係一個六年制課程，覆蓋唔同範疇嘅牙科知識，包括牙周病學、修復齒科、矯齒等，課程採用「問題為本學習(problem-based learning)」教學方案，鼓勵學生自主學習。

相比起香港大學本部校園，牙醫學士學生較多會去位於西營盤嘅菲臘牙科醫院上堂。學生可以喺理論課、實驗課同實習中學到如何為病人檢查口腔、診斷口腔疾病、計劃同實行治療方案同教育大眾保持口腔衞生。

喺理論課入面，同學會學到唔同方面嘅醫療知識。好多人以為牙科學生淨係要學同牙齒、口腔相關嘅知識，但其實牙科同學需要對人體唔同結構、器官有基本認識。喺 year 1 嘅理論課入面，同學需要接觸解剖學(anatomy)、生理學(physiology)、生物化學(biochemistry)等相關知識，為日後課程打好基礎。

另外，同學可以喺唔同嘅實驗課入面鞏固所學嘅理論。同學可以透過實驗，親身接觸同實踐所學，加深記憶。菲臘牙科醫院內亦設有模擬實驗室，唔同年級嘅同學都會喺實驗室入面上堂，利用仿製牙齒學習洗牙、補牙等技術，喺接觸病人前達到一定技術水平，確保病人可以接受最佳治療。

牙醫學士學生更有唔少實習機會，當中包括同學之間互相練習同向市民提供牙科服務。Year 1,2 嘅同學已經有機會踏入診所，以牙醫助護嘅角色認識牙科診所嘅運作，例如洗牙、口腔衞生教育嘅簡單流程，仲可觀察師兄師姐點樣向病人解釋治療方案，從中學習。由 year 3 開始，同學就會以實習牙醫嘅身份，喺合資格牙醫嘅監督下為求診市民提供牙科服務，把課堂中所學習嘅知識實踐。

二、入學要求（JUPAS 收生分數及準則）

基本入學要求：

中文：3
英文：4
數學：3
公民與社會發展：達標
選修科一：3（必須為生物/化學其中一科）
選修科二：3

呢科係以最佳六科 (Best 6) 計分，可以包括數學延伸部分 (M1/M2)。而最佳科學相關科目（生物/化學）嘅比重為 x1.3，其餘科目比重相同。對 HKU dental 有興趣嘅同學，如果喺生物/化學有唔錯嘅成績或者會係一個好大嘅優勢！

2023年 HKU 牙醫學士錄取分數：

上四分位數（UQ）：49

中位數（M）：48

下四分位數（LQ）：46

2023年收生人數：65人

面試：

牙醫學院會喺 DSE 放榜後舉行面試，面試以個人形式進行，較少問牙科問題。過往面試內容包括學生想就讀牙科嘅原因、牙科嘅課程同教學模式。

同學喺出席面試前不妨瀏覽一下香港大學牙醫學院網頁，對課程有基本認識，仲可以留意學院舉行緊嘅計劃、研究，如果可以喺面試時提及相關項目，相信可以令面試官留下印象～

三、畢業出路 💼

牙醫學士學生畢業後可以直接取得牙科醫生的執業資格，受香港牙醫管理委員會認可，唔需要再考執業試。

根據2023年嘅數據，牙醫學士畢業生嘅就業率係100%，註冊牙科醫生可以選擇喺下列場所或機構執業：

• 私營診所
• 政府牙科診所
• 政府醫院牙科
• 非牟利機構

牙醫學士畢業生亦可攻讀專科。值得一提嘅係，大部分香港大學碩士課程均要求學生擁有2-3年工作經驗，因此牙醫學士學生都會選擇喺畢業後先踏入職場，汲取工作經驗，再按個人能力同興趣修讀專科。

牙醫學院提供嘅碩士課程包括：

• 牙髓治療科
• 植齒科
• 口腔頜面外科
• 矯齒和面部矯形
• 兒童齒科
• 牙周病學
• 修復齒科
• 牙科公共衞生

四、常見問題 🙋🏻‍♀️

1. 邊一類人會比較適合讀牙醫學士？🪥
除左卓越嘅成績之外，良好手眼協調同溝通能力都係牙醫學士學生需具備嘅條件。

因為牙醫需要喺口腔呢個細小嘅空間內進行各種複雜嘅檢查或治療，更成日要運用口腔鏡觀察牙齒內側，手眼協調絕對係牙醫必備嘅條件之一。

另一方面，牙醫需要善於同他人溝通，喺為病人提供診症嘅期間，牙醫需要耐心向病人解釋治療方案、流程同注意事項，亦要用簡易嘅文字去解釋艱深嘅專業名詞，確保病人透徹了解。

2. 牙醫學士課程覆蓋唔少人體相關嘅知識，如果中學冇讀 biology (生物)，係咪會好吃力？🔬
唔會～假如同學喺中學冇讀 biology (生物科)，牙醫學院會提供銜接課程，等同學喺正式課堂開始前學習基本嘅生物知識。

牙醫學士課程由淺入深，同學可以喺課程開始嘅時侯打好基礎，勤力啲温習，有唔明白嘅地方可以主動向教授發問或請教同學，相信一定可以應付課程～