【中學生/大專生必睇】開學滙豐學生卡交學費 + 日常消費雙賺高達 2.4% 回贈！一文帶你睇迎新詳情＋申請條件一次過睇

滙豐學生卡迎新 2026 懶人包：$500「獎賞錢」係點砌出嚟

呢 $500 係兩個獎賞加埋：迎新最多 $300，加上交學費最多 $200。

換句話講，一個全新滙豐信用卡客戶，開學前申請、簽夠 HK$2,000、再用張卡網上交學費，就可以賺取。而 $1「獎賞錢」可以當港幣 1 元用嚟找數，即係實收 HK$500。

想開學前趕得切拎迎新，可以經 NoteSity x MoneyHero 專屬連結網上申請，即刻去申請頁睇最新優惠。

迎新 $300「獎賞錢」點先拎到？新客舊客金額唔同

滙豐學生卡官方頁顯示可賺取高達$500「獎賞錢」

• 全新信用卡客戶：$300「獎賞錢」
• 現有信用卡客戶：$200「獎賞錢」

兩者嘅門檻一樣：申請獲成功批核後，喺發卡後首 60 個曆日內，用滙豐滙財金卡 - 學生卡做一筆或多筆合共 HK$2,000 或以上嘅合資格簽賬。呢個門檻對大學生嚟講其實好易達標——買部平板、交一次書簿費、或者迎新營同莊聚食飯夾錢，一兩個月內就過咗。

要留意兩點。第一，60 個曆日係由發卡計起，唔係由批核計起，所以收到卡就要開始用，唔好擺喺屜桶等到聖誕假期先諗起。第二，如果你之前已經有其他滙豐信用卡，你就係「現有信用卡客戶」，只有 $200。

交學費高達 2.4% 額外「獎賞錢」：HK$45,000 學費實際賺幾多？

滙豐學生卡官方主要特點：學費2.4%「獎賞錢」回贈

呢個係張卡最賣點嘅地方，根據滙豐「2.4%『獎賞錢』回贈網上繳交學費」官方條款，重點有兩個：

• 回贈率高達 2.4% 額外「獎賞錢」
• 整個推廣期每位持卡人上限 $200「獎賞錢」

所以只要你用呢張卡交學費就可以賺到 $200「獎賞錢」（等於 HK$200）。

另外特別提到一個實用位：假如學費金額超過張卡嘅信用額，你可以事先將超出嘅金額存入信用卡戶口，然後照樣用卡全額支付學費。學生卡信用額通常唔高，呢招基本上係必用。

「最紅自主獎賞」高達 2.4% 回贈：5 大類別學生點揀先啱

滙豐官方「最紅自主獎賞」實例：消費$1,000賺$24「獎賞錢」

交學費以外，張卡日常簽賬嘅回贈完全睇你有冇登記「最紅自主獎賞」。官方嘅計法好清楚：基本「獎賞錢」係每 HK$250 簽賬賺 $1（即 0.4%），登記「最紅自主獎賞」之後，可以將額外 5X「獎賞錢」分配落自選類別，合共 6X，回贈率就可以高達 2.4%，即係港幣 4.17 元 = 1 里。

官方實例：消費 HK$1,000，基本 1X 賺 $4，自選 5X 賺 $20，合共 $24，即 2.4%。

幾個實戰重點：第一，要先登記先有額外「獎賞錢」，可以用滙豐 Reward+ App 或官網登記，成功登記後三個工作天內生效，而且一經登記唔可以更改分配，所以要諗清楚先撳。第二，每個選定類別設有簽賬上限（官方訂為選定類別及參與商戶嘅首 HK$100,000 簽賬），對學生嚟講基本上唔會踩到。第三，賞家居嘅電訊公司類別特別註明唔包括以普通卡、金卡及銀聯雙幣信用卡嘅網上繳費——即係用學生卡網上交電話費，係唔會有額外「獎賞錢」嘅。

對絕大部分大學生嚟講，NoteSity會建議直接揀賞滋味：食飯係最穩定、最高頻嘅開支，唔使諗商戶名單，行街入到餐廳碌就有高達 2.4%。想睇齊全部類別玩法同商戶名單，可以睇埋我哋嘅學生信用卡專篇；仲未有張卡嘅，就經 NoteSity 專屬連結申請先啦。

賺到嘅「獎賞錢」點用最抵？$1 = HK$1 定 = 10 里？

機艙窗外日落

「獎賞錢」嘅好處係彈性高，但唔同用法嘅實際價值差好遠。以下係官方公布嘅主要出路：

所以學生卡最實際嘅算法就係：港幣 4.17 元 = 1 里。呢個里數成本對一張零年費、零年薪要求嘅入門卡嚟講，其實已經好有競爭力。

最後提提你，「獎賞錢」有有效期：官方寫明信用卡賺取嘅「獎賞錢」一般最短一年、最長兩年，會喺信用卡屆滿月份嘅結單日到期，所以唔好儲住儲住當儲錢，記得定期入 Reward+ 睇下到期日。想比較邊張卡儲里數更快，可以睇埋學生信用卡比較專篇。

日常簽賬 0.4% 回贈，同埋一蚊都唔賺嘅交易類別

以信用卡感應式付款進行日常簽賬

冇登記「最紅自主獎賞」、又或者簽賬唔屬於你自選類別嘅話，回贈就係基本 0.4%（每 HK$250 = $1「獎賞錢」）。呢個數字唔靚，但對一張免年費學生卡嚟講算合理。

真正要記住嘅係賺唔到「獎賞錢」嘅名單。官方條款列明包括：

• 現金透支、各項收費及費用、現金套現或簽賬分期計劃下嘅提款
• 以任何信用卡網上向稅務局繳交嘅賬單
• 以任何信用卡網上向保險公司償還保單貸款、或向金融機構繳付賬單
• 以普通卡、金卡或銀聯雙幣信用卡網上繳交嘅賬單（學生卡屬金卡，見上文）
• 賭博交易、購買外匯／匯票／旅行支票、購買銀行產品及服務、電匯等「半現金交易」
• 購買及／或增值儲值卡或電子錢包——但官方明確列出八達通自動增值服務除外

最後嗰點值得畫重點：八達通自動增值（AAVS）係少數獲官方點名豁免嘅電子錢包類交易，即係用學生卡幫八達通自動增值，係照賺 0.4% 基本「獎賞錢」嘅。對日日搭車嘅學生嚟講，呢個係一筆細細但穩定嘅回贈。至於增值 PayMe、支付寶等其他電子錢包，官方名單並冇列作例外，NoteSity建議當作唔賺處理。

另外，張卡亦支援「簽賬分期計劃」：任何單一簽賬 HK$1,000 或以上都可以經 Reward+ 或 HSBC HK App 申請分期，對突然要買電腦、買相機嘅同學算實用。

學生卡專屬商戶優惠：誠品、KKBOX、CGV

誠品書店等學生實用優惠

除咗回贈，張卡仲有幾個為學生度身訂造嘅商戶優惠。以下全部以滙豐官方頁現行版本為準（網上流傳嘅舊版數字唔少已經失效，一切以官方最新公布為準）：

有個位好多人唔為意：誠品書店屬於「賞購物」類別、CGV Cinemas 同 KKBOX 屬於「賞享受」類別。即係話如果你嘅「最紅自主獎賞」啱啱揀咗嗰個類別，商戶折扣同高達 2.4% 回贈係可以疊埋一齊食嘅。買書慳 HK$30 之餘再賺高達 2.4%，先叫做用得盡張卡——而家申請仲有高達 $500「獎賞錢」。

申請資格、指定院校同所需文件

左：NoteSity x MoneyHero 專屬申請頁（記得填埋 email）；右：滙豐滙財金卡－學生卡網上申請表首兩步

張卡最大優勢就係門檻低到只要你係學生就得——官方冇設任何年薪要求。條件係：

• 年齡：18 歲或以上
• 身分：香港指定學院之全日制學生
• 學生證明文件：學生證、錄取通知書或學校註冊文件嘅複印本
• 身份證明文件：只適用於滙豐新客戶，例如香港身份證或護照照片頁複印本

指定院校名單相當闊，八大之外亦覆蓋大部分自資院校同專上學院，包括香港大學、香港中文大學、香港科技大學、香港理工大學、香港城市大學、香港浸會大學、嶺南大學、香港教育大學、香港都會大學、香港恒生大學、香港樹仁大學、珠海學院、明德學院、東華學院、聖方濟各大學、香港演藝學院、香港知專設計學院、香港伍倫貢學院，以及職業訓練局及其指定成員機構（THEi、PEAK、SHAPE、IVE）等。完整名單以滙豐官方學生卡頁面為準。

要留意，申請資格嘅院校名單，同「交學費高達 2.4% 回贈」嘅指定院校名單並唔完全一樣——後者係另一份條款、另一張較短嘅名單，主要涵蓋大學及主要專上院校。如果你讀嘅係較細嘅自資課程，申請到卡但唔一定食到學費回贈，呢點申請前值得先睇清楚條款。

批核方面，官方寫明收齊申請表同證明文件後十個工作天內處理；批核成功後，視乎郵遞狀況三至五個工作天寄卡。另外有兩個限制要知：超出信用限額信貸安排及附屬卡，均不適用於學生卡。

邊類學生最啱用？優點缺點一次過講清

大學生一齊溫習，考慮申請學生信用卡

講完全部條款，最後就係最實際嘅問題：值唔值得申請？

NoteSity嘅睇法係：如果你係大專生、而且將會用信用卡交學費，呢張卡幾乎冇理由唔申請——零成本、零年費，交一次學費就回本有突。而如果你打算畢業後繼續留喺滙豐生態（升級 Red Card 玩網購、或者 EveryMile 儲里數），學生時期先開一個戶口、建立信貸紀錄，日後批卡同信用額都會順好多。

但如果你嘅重點係日常簽賬回贈率，就要清醒啲：登記「最紅自主獎賞」之後高達 2.4% 係唔錯，但唔登記就只有 0.4%，遠遜市面上啲主打現金回贈嘅入門卡。最理想嘅組合，係用呢張卡專攻學費同自選類別，再配一張回贈型信用卡處理其餘簽賬。

❓ 滙豐學生卡常見問題 FAQ

優惠受條款及細則約束，一切以滙豐官方公布為準。借定唔借？還得到先好借！