又到咗申請 JUPAS 嘅季節啦！各位 DSE 考生唸好讀邊科未？搞清楚 DSE 計分方法未呢？各大院校各科嘅收生分數可謂係直接影響同學點樣排 JUPAS，而今年某啲院校嘅都修訂咗 JUPAS 新計分方法，所以大家要特別留意啦！NoteSity 小編就整理咗十大院校嘅 JUPAS 新計分方法，以及分享 JUPAS 排序嘅策略同考慮因素，希望同學可以成功入讀心儀嘅學校同學科！

文章目錄：

  1. 2024 DSE JUPAS日程懶人包
  2. 十大院校JUPAS新計分方法
  3. JUPAS排序策略

 

一、2024 DSE JUPAS 日程懶人包
 

  • 2023年12月6日（11:59pm）
    • ​遞交「大學聯招辦法」（JUPAS）申請的最後限期
  • 2023年12月8日（9:00am）至2024年5月29日（5:00pm） 
    • 遞交逾期申請*
    • *於特殊情況下，逾期申請或會獲得接納，申請人必須提供充分理據供「大學聯招辦法」考慮。惟接納逾期申請與否，「大學聯招辦法」將保留最終決定權。所有獲接納的逾期申請除需繳交港幣460元正之申請費外，亦需另繳港幣350元正之逾期申請附加費。
  • 2023年12月8日（9:00am）至2024年5月29日（11:59pm）
    • ​以下列任何方式更新其課程選擇：
      • 以另一課程取代已選報的課程選擇／增選新課程至原有的課程選擇名單上（惟全部課程選擇不得多於20項）
      • 更改已選報課程選擇的優先次序
      • 刪除課程選擇名單上的課程
    • 每次更新課程選擇前，申請人需以其中一項列於繳交改選費的途徑及程序部分的途徑繳交港幣100元正之改選費。
  • 2024年1月3日（11:59pm）
    • ​遞交比賽／活動的經驗及成就資料及上載所需證明文件的最後限期
  • 2024年4月17日（11:59pm）
    • ​遞交其他學術成績（語文科目）、音樂考試成績、其他中國語文成績及前教育資料的最後限期
  • 2024年5月29日（11:59pm）
    • ​遞交學生學習概覽（SLP）的最後限期
  • 2024年7月17日
    • ​香港考評局公佈2024年度香港中學文憑考試成績
  • 2024年7月18-20日#
    • ​申請人可於個別指定時段內修改其課程選擇
  • 2024年8月7日（9am）#
    • ​公佈正式遴選結果
  • 2024年8月8日（5pm）#
    • 獲得正式遴選取錄資格的申請人繳交留位費的最後限期
  • 2024年8月14日#
    • ​香港考評局公佈香港中學文憑考試成績覆核結果
  • 2024年8月15日（9am-6pm）#
    • ​取得覆核成績的申請人可遞交要求重新考慮入學申請
  • 2024年8月22日（9am）#
    • ​公佈根據覆核成績重新考慮入學申請的遴選結果
  • 2024年8月22日（5pm）#
    • 獲得取錄資格／較高次序的課程取錄資格的申請人繳交留位費／表示接納較高次序的課程取錄資格（如適用）的最後限期
  • 2024年8月27日（9am）#
    • 公佈補選結果（如適用）
  • 2024年8月27日（5pm）#
    • ​獲得補選（如適用）取錄資格的申請人繳交留位費的最後限期
    • #日期或有修改，請查看JUPAS網頁留意最新資訊。

資料來自：「大學聯招辦法」（JUPAS）網頁

 

二、十大院校 JUPAS 新計分方法
2024 DSE 考生要特別注意嘅係，香港大學、香港中文大學、香港科技大學同香港理工大學喺 2020/21 學年都修訂咗 JUPAS 嘅文憑試成績轉換機制，所以 NoteSity 小編都整理返十大院校最新嘅計分方法，方便同學瀏覽：


* 香港中文大學達第5級或以上的入學計分不適用於內外全科醫學士課程及內外全科醫學士課程環球醫學領袖培訓專修組別，此兩個課程在第5、5*、5**級的入學分數換算分別為5、6、7分。

 

三、JUPAS排序策略
Jupas 科目之間嘅排序非常重要，稍有不慎可能就同心儀嘅學科擦肩而過。

當中Band A 同 Band B 的排序最為重要，因為大部分課程只會收 Band A、B 嘅申請人，只有少部分會收 Band C 至 E，熱門學科更是基本只收 Band A 申請人，所以排序要嗰陣就要更加小心謹慎！

至於順序，Band A、B 共六個志願應該綜合個人興趣及能力，第一至六排序，應該按心儀程度遞減、按有把握程度遞增。

其中 Band A 排位可謂重中之重：

  • A1（進取）：可以放最有興趣，預計分數僅及 Lower Quartile 或低於 LQ 1分，可以一搏。
  • A2（相對保守）：可以放有興趣，但比較穩陣，預計分數喺 LQ 至 Median 之間。
  • A3（保守）：一定要放有興趣但係好穩陣嘅選擇，預計分數喺 Median 至 UQ 之間。

JUPAS排序嘅時候，除咗上述咁睇下各科嘅計分比重（4C+2X / Best 5…），按照自己分數同能力選擇之外，其實仲有其他因素都需要慎重考慮：

 

1. 興趣爲首要

以興趣爲首要嘅考慮因素，好似好老生常談，但其實真係最重要。

上到去唔同嘅大專院校後，你會發現啲課程係對於一個範疇比較深入嘅研究，仲要面對各種 assignments 同考試，如果你對嗰個科目無興趣，就會覺得好吃力。

有啲科目甚至會影響未來嘅職業，如果要將來投身不感興趣嘅行業，更加會覺得後悔。

有啲人可能唸住到時可以 transfer faculty，但通常都有成績要求，亦比較難達到，成功嘅例子唔多。

 

如果自己喜歡嘅科目收生要求過高，未必考得上，大家都可以揀返啲門檻較低而又相關嘅學科。

例如想讀傳理學系，即使考唔上八大，亦可以考慮其他大專院校，因爲將來主要看重嘅係累積經驗，而大台嘅記者主播都來自五湖四海，所以都唔需要太過執着於係咪「三大」、「八大」㗎！

當然，前提係你要對該行業嘅要求有一定嘅理解，大家不妨問下師兄師姐、徵詢多啲其他人嘅意見！

 

總結而言，其實最重要嘅係，你要對所選擇嘅學科有興趣之餘，將來可以喺職業上學以致用。

 

2. 課程收生數量及學系特色

選擇課程嘅時候，都要留意佢哋嘅學額同要求。選擇之前可以睇返課程往年嘅競爭比率，平均單位數嘅人爭一個位嗰啲，成功嘅機率會比較大。

另外，有啲課程係成個 Faculty 嘅大類收生，入讀後喺 Year 1 嗰陣可以選讀唔同種類嘅課程。

例如話香港大學嘅文學士課程（JS6054），每年都大約會收三百幾個人，因為裏面包括唔同學科，翻譯、中文、英文、語言學、音樂、藝術等等，Year 1可以先嘗試唔同嘅學科，之後再選擇 Major Minor。

又例如香港中文大學嘅社會科學，有分大類收生（JS4801）同細分嘅課程如社會學（JS4886）、社會工作（JS4874）等，而大類收生通常只會收 A1 嘅申請者，所以選擇嘅時候記得要睇清楚每一科實際教學內容，最好去各個院校官網睇返嗰科讀嘅內容！

 

3. 是否有面試機會

各個院校會按照課程需要，邀請申請者參加面試或者筆試，但係通常都係喺第一輪改選至放榜期間。

而各大院校通常都只會邀請將該課程放於 Band A嘅學生，所以第一輪選擇排位嘅時候，可以優先排咗啲可以面試或需要面試嘅課程喺Band A，爭取更多機會。

無論面試成唔成功，都唔需要擔心，因爲DSE放榜之後，仲有一次遞交JUPAS選擇課程嘅機會。

要注意呢次改選係喺指定日期嘅24小時之內完成，所以大家完全可以根據自己DSE嘅成績而重新進行排序。

以上就係 Notesity 小編整理嘅 JUPAS 新計分方法同一啲排序策略分享，希望各位考生可以喺DSE 考取佳績，直入 A1，入讀心儀嘅學校！

 

📍 更多實用升學資訊：中六升學指南 by NoteSity

 

🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～ 

💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！

📚 網上購買 DSE 溫習筆記、補充練習與參考書：熱門產品 | 優惠套裝 | 產品分類

 

 

下次再同大家分享更多有用嘅資訊～ 記得密切留意啊🥳