想開始溫書但係唔知從何入手？究竟 DSE 幾時開始溫書？點樣溫書最有效率？小編以前讀緊中學考 DSE 時都遇到同樣嘅問題。如果要考好 DSE，你需要有周全嘅 DSE 溫習策略去分配你有限嘅時間，所以你需要有一個有效嘅 DSE 溫習時間表同埋溫書策略。NoteSity 小編會同你分享一下自己親身用過嘅 DSE study plan 點樣令到我可以喺 DSE 考取 Best 5 34分嘅成績。
P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！
P.P.S. 記住 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。
以下就係小編制定 DSE 溫習時間表 8 步曲：
- 不要瘋狂計劃
- 列出「閒置時間」
- 計劃善用「閒置時間」
- 計劃該月份初步目標
- 估算你有嘅時間，制定初步溫書目標
- 調整時間表
- 星期六日溫書時間
- 下載溫習時間表範例
考好 DSE，除咗需要操練 DSE Past Paper 之外，你仲需要額外嘅高質筆記、補充練習與參考書。NoteSity 為你搜羅不同導師及出版社嘅訂購高質 DSE 筆記、補充練習與參考書，幫助你考好 HKDSE！
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
第一步：不要瘋狂計劃
小編建議你避免一開始就制定一個好長好完善嘅溫習時間表。小編以前試過整過為期三個月嘅溫習時間表，但最後發覺只要有幾日跟唔切，整個時間表要從頭整過。所以小編建議你一開始諗得「近」少少，每個星期日去思考將來一星期嘅學習目標係d咩，以一個星期作為單位。
第二步：列出「閒置時間」
閒置時間係指未有好好善用嘅時間，少至 5 分鐘，多至 30 分鐘。小編相信所有野都係積少成多，時間都係。如果你仔細留意，你會發覺你有好多唔察覺，但原來可以善用嘅時間，當中包括：
- 朝早搭車
- 翻到學校，未上堂前嘅時間
- 轉堂時間
- 等補習時間
- 小息 / lunch time
- 放學翻屋企搭車
- 仲有好多好多…
時間猶如金錢，只要你肯仔細留意，你會發覺原來你仲有d時間可以好好善用！
第三步：善用閒置時間
小編會善用第二步列出嘅「閒置時間」，去處理日常生活雜務以及冇咁重要嘅功課。咁嘅話，翻到屋企你就可以有一段長d嘅時間專心去讀書或溫書，唔需要花時間去處理雜項。
舉個例子，小編以前係班會財政，要處理班會活動收入及支出嘅事務。小編都試過做一d比較無聊嘅功課，例如畀老師罰抄一d句子，呢d就係小編所指嘅生活雜項。為咗可以等自己放學之後可以翻到屋企專心溫書，小編通常會利用第二步列出嘅「閒置時間」，去處理曬所有呢d雜項。
如果你跟住小編呢個方法做，翻到屋企你就可以好專心咁去讀書 / 溫書，花喺呢d雜項嘅時間就會越來越少。
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
第四步：計劃該月份初步目標
呢一部份嘅計劃簡而精就足夠，你需要思考一下呢一個月嘅初步目標。記住，你唔可以太貪心，set 太多目標會令自己無法達到。小編通常會 set 以下目標：
- 數學科及選修課：完成老師教完嘅課題嘅 CE / DSE By Topic Past Paper；
- 語文科：溫書或完成 1-2年 DSE / CE / AL Past Paper
- 通識科：溫習好老師教完嘅單元嘅通識概念詞，以及操練 3 條該單元嘅 Past Paper
小編知道大家可能會好亂，所以我示範一下小編中四嗰時其中一個月嘅初步目標畀大家睇：
- 數學科及選修課
- Maths：完成 Trigonometry 同 Circle 嘅 by topic PP (CE+DSE) + 溫一次書
- Physics：完成 Force and Motions Mechanics 嘅 by topic PP (CE+DSE) + 溫一次書
- Chemistry：完成 Acid and Base 嘅 by topic PP (CE+DSE) + 溫一次書
- BAFS：完成 Bad Debts 嘅 by topic PP (CE) + 溫一次書
- 語文科及通識科
如果你有留意到，小編係好仔細咁列出溫書嘅科目、溫習範圍、deadline、所需時間、次數，咁樣小編就清楚d知自己達唔達標。同埋因為有仔細列出每科deadline，小編就知道每個星期要完成邊個目標。
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
第五步：估算你有嘅時間，制定每星期溫書目標
時間表具體展示每個工作目標嘅小項同進度，咁你就會清楚知道自己幾時可以達到你嘅溫書目標。所以，你需要知道自己有幾多時間，從而簡單制定你嘅溫書目標。
以小編親身經歷為例，小編嗰時讀緊中五，未放暑假，仲要翻學，所以我先估算我每個星期有嘅時間（撇除課外活動及食飯梳洗時間）：
- 星期一：3 小時
- 星期二：4 小時
- 星期三：4 小時
- 星期四：2 小時
- 星期五：2 小時
- 星期六：8 小時
- 星期日：6 小時
估算後，你可以開始安排讀書同溫書喇！由於每日功課數量不定，你可以每日首要目標係完成功課，做功課都係溫書嘅一部分。除此之外，小編其他時間就係會專心完成好每個星期設定嘅目標。如果嗰日有多過 3 小時，我就一定會預留 2 小時去完成自己設定嘅溫習目標！
據個例子，數學 Trigonometry 同 Circle by topic PP 需要花10小時去完成，我會抽3-4日去完成。所以，以上面估算我會利用有嘅時間為例，我會星期二、三、六、日，每日花2-3小時去做曬相關PP。
第六步：調整時間表
計劃來不及變化，有時知道大家可能會有突發事件發生，未必有充足時間完成到設定嘅溫書目標。如果遇到呢d情況，小編有以下建議：
- 小編會取消可能一d計劃咗嘅活動，例如唔同朋友出街玩，或者將一d本身打算用嚟hea嘅時間轉做讀書，務必完成埋個溫書目標。
- 平日有機會提早完成功課，你可以考慮喺呢d日子提早開始溫書，溫書時間越鬆動越好
- 除非你設立嘅目標太多太貪心，否則我點都會堅持完成溫書目標
有另一樣野想提提大家，大家計劃溫書時間嗰陣，大家千其唔好過分貪心，計劃溫好多個鐘書。記住除咗溫書之外，你都要預留d時間去玩或者參加課外活動架！
第七步：星期六日溫書時間
講起星期六日溫書時間，小編覺得大家要特別善用。因為星期六日通常你會有一整日嘅時間去讀書同溫書，小編建議你可以考慮將其中一日用來全日溫書。
- 7:30am – 8:30am：起身 — 梳洗、食早餐、出門到溫習地點
- 8:30am – 1:00pm：溫書或操卷 — 清concept、溫筆記、寫錯題簿
- 1:00pm – 2:00pm：Lunchtime
- 2:00pm – 4:00pm：溫書 — 清concept、溫筆記、寫錯題簿
- 4:00pm – 4:30pm：Short break
- 4:30pm – 7:00pm：溫書或操卷 — 清concept、溫筆記、寫錯題簿
- 7:00pm – 8:00pm：Dinner
- 8:00pm – 10:00pm：溫書 — 溫習語文科目
- 10:00pm – 11:00pm：Hea
- 11:00pm – 11:30pm：休息 — 沖涼、準備上床瞓
睇落去好似好chur，但只要你每星期肯花一日時間咁做，每年你就會比人溫書溫多52日。小編中五開始咁做，個人親身經歷覺得幾有效，所以分享埋畀你知！
第八步：下載溫習時間表範例
呢個範例係由 NoteSity 小編以前嘅讀書時間表改良而成，簡單方便，有助你容易計劃自己嘅溫書時間！
如果你想繼續收到同 DSE 有關嘅讀書心得及考試資訊，記得要 follow NoteSity Instagram 呀，仲可以 Click 呢度 留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。
咩係 NoteSity？
NoteSity 是全港最大DSE資源訂購平台，為你搜羅不同導師及出版社的高質 DSE 筆記、補充練習與參考書，一個平台匯聚你需要的 DSE 資源，幫助你考好 HKDSE。
訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
延伸閱讀：