【DSE通識溫習方法】通識要點溫？- NoteSity 網上書店

【DSE通識溫習方法】通識要點溫？

2020-04-03

👧🏻：其實通識要點溫？

😽：嘿嘿，睇完呢篇文章咪知!! NoteSity 通識 5** 小編會慢慢一步一步咁教你點樣唔使補習就可以學好通識！

通識要點溫 — 文章目錄

P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！

P.P.S. 記住 Click 呢度留低你 Email ，訂閱 NoteSity DSE 讀書心得及技巧分享電郵，小編會定期將DSE讀書 TIPS、考試攻略分享俾你，助你考好 DSE。

1. 溫通識答題框架

通識議題有好多好多、變化萬千，但係通識題型萬變不離其宗。其實通識科嘅題型嚟嚟去去都係嗰幾種，每一種嘅答題框架都有少許不同。

同學溫答識題框架嘅時候，可以參考小編嘅通識溫習方法，特別留意以下嘅元素：
🔹 唔同分數嘅題目要寫幾多個point?
🔸 每個point大概用幾多分鐘要寫完？
🔹 每種題型應唔應該有引言？
🔸 有咩常用嘅分析/比較角度？
🔹 使唔使寫駁論？

以上嘅框題架係超級超級基本嘅元素，考試前就要諗定、準備好定，唔好入到考試場地、打開份考試卷先諗呀😣

小編準備咗由 @hkdsegayau 作者所寫嘅通識題型框架筆記俾你，只係半堂補習嘅價錢，你就可以學到你一定要識嘅考試技巧 (P.S. 靜靜機話你知，經 NoteSity 平台預訂呢份筆記平d架！)。

無論係保底定衝星都啱用，以下係筆記會涵蓋嘅內容：

考試時間管理策略
11種題型答題框架
高分作答示例 (level 5 – 5**)
必讀題型分析

如果你遇到以下嘅問題，呢份筆記就可以幫你對症下藥，著手升 grade：

唔同題型嘅答題框架應該係點？
點解我寫咗好多字都咁低分？
通識答題要點樣闡述 (elaborate) ?

購買筆記或瀏覽免費樣本：按此

2. 溫通識議題 (恆常議題 + 熱門議題)

通識要點溫？小編嘅第二個溫習方法係：溫習通識恆常議題、熱門議題。

小編建議同學溫議題並唔係想你哋tip題，因為通識可能會出嘅議題實在好多好多，就算同學tip咗好多熱門議題都唔一定會tip得中。所以，小編唔建議同學孤注一 (幾) 擲，只顧tip熱門議題題而唔溫其他方面嘅通識考試技巧。

a) 咁點解仲要溫議題？原因有幾個：
🔸 由出卷員嘅角度，試諗一次每個議題可能會出咩題型，會令你更加了解出卷員嘅心態，以後會識得自己辨認一啲考試可能會出嘅時事議題；
🔹 考試咁啱問到你溫過嘅熱門議題，而你又有溫過個議題嘅相關例子、概念、諗過point嘅話，考試就可以大派用場；
🔸 即使考試問唔中你溫嘅時事議題，你學過嘅知識都有機會用落考試題目做例子。

b) 要溫幾多個通識議題先夠？

溫通識議題嘅質 > 量，同學唔一定要溫50個、100個恆常議題、熱門議題。老實講，溫嘅議題唔一定要多。更重要嘅係，每個議題要溫得夠深入、夠仔細。

咁做嘅好處除咗令你更加了解個議題之外，對同學培養通識考試嘅思維亦都好重要。長遠嚟講，同學溫習、分析議題期間所訓練嘅思維，會令你考試嘅時候遇到新嘅議題嗰陣，都可以好快、好有邏輯、多角度咁諗到好多唔同嘅論點。

c) 通識議題要點溫？

就每一個議題，小編會建議同學詳細分析以下嘅元素：
🔸 事件成因 — 點解會發生呢件事？(原因題、因素題)
🔹 相關持分者 — 呢件事關邊個事？(協助同學從唔同持分者、唔同角度諗point，訓練多角度思考)
🔸 事件對不同持分者造成嘅影響 — 有咩影響？正面定負面？(影響題)
🔹 挑戰/困難 — 做呢件事/實行政策有咩困難？(挑戰題、困難題、障礙題)
🔸 建議 — 呢件事/政策可以點做好啲？有咩人可以幫手？(建議題)
🔹 支持/反對嘅論點 — 咩人會支持？咩人會反對？點解？(評論題)
🔸 衝突/爭議 — 就事件嘅同一個角度，會唔會有不同持分者持相反意見/有利益衝突？(爭議題/比較題)

同學根據以上嘅邏輯逐步逐步諗、分析每一個議題，就會理解到個議題嘅來龍去脈。

同學一開始自己分析時事議題嘅時候，覺得諗point好難、諗唔到point係好正常嘅 — 冇人一出世就識得諗point、試得考試架嘛💛

呢個時候，你可以 Google 一下「XXX議題原因」、「XXX議題影響」等等，你會搵到好多答案幫你諗point。

諗唔到point唔使氣餒架，而家 Google 咗佢，好過考試嗰陣先嚟唔識嘛💛

d) 下一步要點做？

除咗用個議題本身嚟諗point之外，同學亦都要將時事議題扣番落通識呢一科度：
🔹 呢個議題同咩單元有關？(可能多於一個相關單元，呢一步係幫你諗通識概念)
🔸 呢個議題有咩通識概念用得著？(一陣會講點搵/溫概念)
🔹 呢個議題有咩例子用得著？(一陣會講點搵/溫例子)

唔少同學都覺得 — 通識成日冇嘢寫、好吹水、唔知寫咩好 — 所以會問到通識要點溫呢個問題。

其實呢一步做嘅事情 — 諗單元、概念、例子，都係幫你考試落筆寫point嘅時候，令到你嘅論點闡述 (elaboration) 更豐富嘅關鍵。用呢個方法溫習通識嘅時候，嘗試將時事議題扣番落通識科，你以後考試闡述會容易好多。

閱讀高質筆記：通識筆記

3. 儲例子

例子嘅重要性唔多講，相信同學都知道通識考試嗰陣要寫例子嚟支持自己嘅論點。

不過，同學最大嘅疑問係：應該點樣搵時事例子？
🔸 睇新聞 — 唔一定要日日迫自己坐定定睇新聞，小編會食飯前得閒睇6點半新聞、或者咁啱屋企開咗24小時新聞台嗰陣睇，記低一啲時事例子；
🔹 睇textbook — 教科書教唔同議題嗰陣，總會有啲相關嘅例子。小編會highlight呢啲例子，或者搵本簿抄低佢哋；
🔸 通識 5** sample — 睇吓考通識 5** 嘅人考試用咗咩例子、用咩類型嘅例子、點用啲例子、用幾多個例子等等，抄低佢、記低佢，可能到你考 DSE 嗰陣都有用架!!
🔹 通識例子集 — 坊間有一啲通識例子集，總有啲有用嘅萬用例子、百搭例子，同學可以試吓溫其他人整合出嚟嘅例子，會更加即食、慳時間。

NoteSity DSE 資源訂購平台有通識例子集去幫你小編估唔少同學應該遇到以下幾個問題：

對通識例子無從入手 — 其實學/溫/背咩例子先有用？
考試要寫幾多個例子、寫幾長幾深入？
點解我背完啲例子，考試嗰陣成日用唔番出嚟？

通識例子集有三冊，每一冊都有其獨特之處：

第一冊：通識必讀萬用論據 (唔會過時、無論考邊一年 DSE 都有機會用得著嘅必讀論據
第二冊：熱門議題例子 (近年熱門議題嘅例子
第三冊：生活與百搭例子 (每年考試一定一定用得著嘅百搭例子、小編從日常生活當中儲番嚟嘅生活例子

購買筆記或瀏覽免費樣本：第一冊 / 第二冊 / 第三冊

4. 溫通識概念

曾經有同學問小編 — 做通識卷一 Paper 1、卷二 Paper 2嘅時候，應該寫例子定係通識重點概念。小編嘅答案係，兩者都非常非常之重要，缺一不可。

所以，小編亦都建議同學溫習通識科嘅時候，溫埋唔同單元嘅通識概念 key concepts。

不過，同學最大嘅疑問可能係：應該點樣溫概念？
🔸 概念本身 — 首先，一定要識個概念，尤其係用英文讀通識嘅同學要識串啲字。
🔹 概念意思 — 第二，要明個概念點解。唔使背個概念嘅定義，因為 DSE 唔需要你一字不漏咁背定義。不過，一定要明個概念咩解。
🔸 相關議題 — 第三，學校、補習總有教過一啲通識議題。將你所學嘅概念，嘗試套用番落學過嘅議題度。例如：

概念一：

議題A
議題B
議題C

概念二：

議題D
議題E
議題F

唔少同學只係背概念本身，或者係背概念嘅定義，忽略咗概念同議題嘅關係。如果同學做到第三呢步，你考試會更加容易用得番啲概念出嚟。

5. 練諗point

如果同學有時間將一份 DSE 通識 Past Paper 由頭做一次就當然最好。不過，當同學未有咁多時間，又想溫通識，但係又唔知點溫嘅時候，就可以試吓拎一份 DSE LS Past Paper 出嚟練諗point。

練諗point嘅時候，唔好就咁諗完個point就算啊!!

例如：「導致XXX議題的因素是YYY」用呢個方法嚟諗因素題嘅point, 其實作用唔大，溫習嚟都唔會有好大幫助。

小編建議同學每次諗point嘅時候都諗以下幾樣嘢：
🔸 個point本身 — 例如：「導致XXX議題的因素是YYY」
🔹 有咩題目資料可以用
🔸 有咩例子可以寫
🔹 有咩概念可以用

諗齊呢四樣嘢之後，先代表你諗完一個point，咁先好落下一個point。當你諗到呢四樣嘢，代表你已經有齊一個段落需要嘅元素。所以諗point呢個練習除咗訓練自己諗point諗快啲之餘，仲可以幫到你做闡述、寫多啲，同埋諗多啲例子、概念架💛