之前有同學問小編邊度有得免費下載 CE、DSE 中文 Chinese Past Paper PDF版本。Notesity 小編知道唔少同學都遇到呢個問題,所以小編已經幫你揾齊曬所有中文 DSE Past Paper,CE 會考、DSE 文憑試都有!

 

P.S. 喺你碌落去之前,記住 Follow 我哋嘅 Instagram @notesity.hk,我哋會分享各種實用嘅 DSE 讀書心得!

P.P.S. 記住 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

 

中文 Past Paper 資源庫目錄

  1. 【DSE Past Paper】2012-2019 DSE 中文歷屆試題題目 + 答案下載
  2. 【DSE Sample Paper】2012, 2016, 2018 DSE 中文樣本試題題目 + 答案下載
  3. 【DSE Practice Paper】2012, 2016 DSE 中文練習卷試題題目 + 答案下載
  4. 【CE Past Paper】1990-2011 CE 中文歷屆試題題目 + 答案下載
  5.  DSE 中文科 5** 讀書及應試心得分享 (附有操 past paper 教學)

以下 HKDSE、CE 中文科資源連結皆轉自不同網頁,NoteSity 沒有持有任何相關資源。NoteSity ​在網站加上連結是為了方便同學搜集相關資源,且作為學習用途,而非商業用途。如有資源涉及版權問題,請版權持有人與我們聯絡,我們在確實相關版權後會移除相關連結分享,不便之處,敬請原諒。

 

1. DSE 中文 Chinese Past Paper 題目 + 答案下載

以下有 DSE 中文 Chinese Past Paper 題目連答案,涵蓋卷一、卷二、卷三、卷四題目同埋 marking scheme,同學可以免費下載PDF版本:

 

考好中文 DSE,除咗需要操練中文 DSE Chinese Past Paper 之外,你仲需要額外嘅高質中文筆記、補充練習與參考書。NoteSity 為你搜羅不同導師及出版社嘅訂購高質 DSE 筆記、補充練習與參考書,幫助你考好 HKDSE!

 

訂購高質 DSE 筆記、補充練習與參考書中文科 | 英文科 | 數學科 | 通識科 | 理科 | 商科 | 文科

 

 

2. DSE 中文 Chinese Sample Paper 題目 + 答案下載 (2012, 2016, 2018)

以下有 DSE 中文 Chinese Sample Paper 樣本試卷題目連答案,同學可以免費下載PDF版本:

  • 2012 DSE 中文 Sample Paper (卷一閱讀、卷二寫作、卷三聆聽、卷四說話、卷五綜合)
    • 呢份 Sample Paper 嘅誕生係因為2012年係第一年 DSE,第一屆學生冇任何 DSE 卷可以做參考,所以考評局準備咗一份樣本試卷畀考生參考。
  • 2016 DSE 中文 Sample Paper(卷三聆聽及綜合)
    • 2016年係第一年卷三聆聽同卷五綜合合併做一份卷。
  • 2018 DSE 中文 Sample Paper (卷一閱讀及範文)
    • 2018年係第一年卷一閱讀有範文部份。

 

下載其他科目 Past Paper:DSE Past Paper

 

3. DSE 中文 Chinese Practice Paper 題目 + 答案下載 (2012, 2016)

以下有 DSE 中文 Chinese Practice Paper 練習試卷題目連答案,同學可以免費下載PDF版本:

 

4. CE 中文 Chinese Past Paper 題目 + 答案下載 (1990-2011)

以下有 CE 會考嘅中文 Chinese Past Paper,包括卷一、卷二、卷三、卷四題目同埋 marking scheme 答案,同學可以免費下載PDF版本。

 

5. DSE 中文科 5** 讀書及應試心得分享

資料來源:考評局

 

a) DSE 中文科評分比重

講點操 Past Paper 之前,小編想先講解 DSE 中文考核模式。DSE 中文公開考試包括四卷,共佔全科總分百分之八十,而校本評核 SBA 佔全科百分之二十。

 

四份卷嘅佔分分數如下,共佔全科總分 80%

  • 卷一(閱讀能力)佔全科24%,考試時間 90 分鐘
  • 卷二(寫作能力)佔全科24%,考試時間 90 分鐘
  • 卷三(聆聽及綜合能力)佔全科18%,考試時間約 90 分鐘
  • 卷四(說話能力)佔全科14%,考試時間 25 分鐘

 

而剩餘嘅 20% 就係 SBA 校本評核,而 SBA 包括 2 部份:

  • 必修部分:閱讀活動(佔全科6%的分數)
    • 閱讀活動每間學校都可能唔同嘅,小編嘅學校就係叫小編做小型閱讀報告,每篇 200 字,做 10 篇;小編朋友就係做 500字嘅閱讀報告,做 6篇。
  • 選修部分(兩個單元)(兩個單元共佔全科14%的分數)
    • 日常學習表現(小編學校係計功課分,小編老師會提早話畀小編知,咁小編就知嗰一份功課要好畀心機做)
    • 單元終結表現(根據學校老師所選嘅選修單元而設嘅功課)

 

小編建議,如果老師有提及某一份功課係計 SBA 分數,你一定要好努力好努力去做,因為 SBA 分數佔全科 20%,三年加埋嘅 SBA 分數足以影響你 DSE 兩至三個 grade,記住唔好怕醜,主動問老師 SBA 點樣可以做得好d。

b) DSE 中文卷一閱讀及範文

閱讀最多同學嘅死因係唔夠時間做,然後放棄咗至少5-8 分,而 5-8分可以令你卷一閱讀差兩至三個Grade。所以小編建議你每次要咁做卷:

  1.  先做範文部分(20-25分鐘),溫範文應該要溫到所有題目都要一見到就識答,因為全部都有得溫定,有標準答案。
  2.  再做文言文(20-25分鐘),先好快咁睇一次題目,跟住再睇文⁣⁣⁣⁣
  3.  做白話文 (40-50分鐘)

 

另一個方法會係,你要盡量喺20-25分鐘完成範文部份,剩餘65-70分鐘時間,你可以計翻百分睇下每題最多用幾多時間。

小編建議你先主力操曬 DSE 閱讀卷,以及 CE 閱讀卷先。出版社嘅閱讀練習良莠不齊,同埋始終唔係考評局出,所以就算出卷格式同題型幾似歷屆試卷都好,都唔會夠直接操 Past Paper 好。當然,如果係中文科老師推介嘅練習,小編就覺得做得過,始終係老師推介。

幾耐做一篇?小編建議每個星期固定至少做一份閱讀卷,長遠可以幫你有效地訓練答題語感以及時間管理。同埋做完一份 Paper 之後一定要睇 marking scheme,對答案。每條長答,你都要逐分逐分咁睇究竟考評局要你答到咩,而你又 miss 咗邊一部分,同埋研究點解自己 miss 咗。每一次反覆思考失分位先會有進步,切記唔好為對答案而對答案,對答案可能會額外花你30分鐘,但係呢 30分鐘真係好緊要。

(c) DSE 中文卷二作文

而作文方面,全卷總分為 103分,當中內容佔40分、表達佔30分、解構佔20分、標點字體佔10分、錯別字佔3分。

喺時間分配上,你應該一開始先用5-10分鐘去組織成篇文章嘅結構,大概諗好文章中心想帶出嘅情感、分段及段落大意。如果你作議論文嘅話,你需要諗定每段有咩例子可支持論點。最後,小編建議你預留兩分鐘睇全篇文有無錯字同漏字。

老實講,小編過往平均一個月作一至兩篇文左右。小編建議大家初中及中四五嘅時候花多d 時間睇書,打好語文底,咁樣比瘋狂作文更有效。

(d) DSE 中文卷三聆聽及綜合

聆聽及綜合係最容易衝分嘅卷,因為呢份卷真係與投放嘅時間成正比。如果你依家只係中四/五,小編建議你由 CE 會考卷 2007-2011 年開始做起,程度較淺。

2016 年之前,卷三聆聽卷同卷五綜合卷係分開嘅,2016年時兩份卷合併咗。小編依然建議大家操練 2016年之前嘅 DSE Past Paper (卷三及卷五),因為參考價值幾大。

每份卷小編都操練咗至少 2 次。

 

(e) DSE 中文卷四說話

至於說話方面,小編中四五時除咗考試前之外,都比較少花時間落說話,因為本身都有好多科要溫。小編建議大家中五暑假開始可以每個月keep住練一兩次,中六大約 11/12月就每個月練兩至三次左右。

小編每次都係約唔同同學去練,因為咁樣可以訓練自己去學習面對唔同同學嘅風格。希望以上分享幫到大家!

 

如果你想繼續收到同 DSE 有關嘅讀書心得及考試資訊,記得要 follow NoteSity Instagram 呀,仲可以 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

 

訂購高質 DSE 筆記、補充練習與參考書中文科 | 英文科 | 數學科 | 通識科 | 理科 | 商科 | 文科

 

咩係 NoteSity?

NoteSity 是全港最大DSE資源訂購平台,為你搜羅不同導師及出版社的高質 DSE 筆記、補充練習與參考書,一個平台匯聚你需要的 DSE 資源,幫助你考好 HKDSE。