【溫書好去處】香港隱世自修地圖！2025 溫書地點全攻略
👧🏻：成日覺得喺屋企集中唔到溫書，小編有咩溫書好去處推介？
😽：嘿嘿，睇完呢篇文章就會知道小編推薦嘅溫書好地方 — 免費同付費嘅都有!!
唔知各位同學係咪同我一樣，喺屋企溫書成日都集中唔到，一個不留神又喺屋企 hea 咗成日。留喺屋企效率又唔高、圖書館又驚冇位、cafe 又驚唔比坐咁耐？
今次 NoteSity 小編幫大家嚴選咗10間學生必去嘅溫習 cafe，再同大家揭祕喺屋企或圖書館高效溫習嘅秘密！
P.S. 喺你碌落去之前，記住 Follow 我哋嘅 Instagram @notesity.hk，我哋會分享各種實用嘅 DSE 讀書心得！
香港溫書 cafe 推介
雖然 cafe 溫書唔係免費，不過平日搵間安靜少人、坐得耐嘅樓上 cafe，食完個brunch然後嘆杯咖啡，一路飲嘢一路溫書，個人都會精神好多。
Cafe 溫書小貼士：
🔸 搵間坐得耐嘅樓上 cafe, 就唔怕俾人趕走啦💛
🔹 同學決定到 cafe 溫書之前，可以先了解一下自己嘅讀書習慣 — 你需要一個 100% 寧靜嘅溫書地方，定係有少少雜音都專心到？
🔸 如果同學係有少少嘈音都會分人嗰類人，小編建議同學另覓溫書好去處，因為樓上 cafe 未必適合你喔！
🔹 到 cafe 點餐嘅時候唔好食得太飽，食飽咗飯氣攻心好容易眼瞓，集中唔到精神溫書😣
🔸 到坐得耐 cafe 溫書之前，記得帶定個耳機 — 即使咖啡店內有比較嘈嘅食客，你都可以戴上耳機，聽住歌咁專心溫書💛
🔹 到 cafe 溫書之前，可以上 Open Rice 睇一睇間餐廳有冇提供免費 Wifi — 有的話會更方便你上網搵資料、搵 DSE Past Paper！
考好 DSE，除咗需要一個寧靜嘅訂溫書地方之外，你仲需要高質 DSE 筆記、補充練習與參考書。NoteSity 為你搜羅不同導師及出版社嘅訂購高質 DSE 筆記、補充練習與參考書，幫助你考好 HKDSE！
港九新界溫書好去處推介：
小編好鍾意四圍搵啲坐得耐、夠靜又適合溫書嘅 cafe，呢個係小編珍藏嘅溫書 cafe 推介列表嚟架！
📍 01 | The Corner Coffee（灣仔）
(圖片來源：@thecornercoffee_hk)
🗺️地址： 灣仔駱克道150-158號祥友大廈1樓
⏰營業時間：11:00 - 21:15
🛜 WIFI｜🔋叉電位 ｜🐈⬛寵物友善｜⌚️無限時
(圖片來源：@fineprint.hk)
🗺️地址： 西環石塘咀南里8-12號
⏰營業時間：06:00 - 18:00
🛜 WIFI ｜🐈⬛寵物友善｜⌚️無限時
(圖片來源：@tgif_hk)
🗺️地址： 石塘咀皇后大道西539號
⏰營業時間：08:30 - 18:30
🛜 WIFI｜🔋叉電位 ｜🐈⬛寵物友善
(圖片來源：@domain.hk)
🗺️地址： 太古太古城道29號東隅1樓
⏰營業時間：07:00 - 19:00
🛜 WIFI｜🔋叉電位
(圖片來源：@sammicoffeehk)
🗺️地址： 荃灣荃灣街市街115號蘊崇大廈地下C&E號舖
⏰營業時間：08:30 - 20:30
🛜 WIFI｜🔋叉電位｜⌚️無限時
(圖片來源：@terriblebaby)
🗺️地址： 佐敦逸東酒店4/F
⏰營業時間：07:00 - 19:00
🛜 WIFI｜🔋叉電位｜⌚️無限時
📍 07 | N.O.T. Specialty Coffee（銅鑼灣）
(圖片來源：@wils.cheng)
🗺️地址： 銅鑼灣軒尼詩道500號希慎廣場9樓
⏰營業時間：08:00 - 20:00
🛜 WIFI｜🔋叉電位
📍 08 | Infuse Specialty Coffee by Ideaology（尖沙嘴）
(圖片來源：@cuppingroom.hk)
🗺️地址： 尖沙咀廣東道5號海港城海洋中心3樓309號舖
⏰營業時間：08:00 - 20:00
🛜 WIFI｜🔋叉電位｜⌚️無限時
📍 10 | Elephant Grounds（尖沙嘴）
(圖片來源：@elephantgrounds)
🗺️地址： 上環荷李活道233號荷李活商業中心地舖
⏰營業時間：08:00 - 20:00
🛜 WIFI｜🔋叉電位｜⌚️無限時
(部分資料來源：@ideas_try1try)
小編細細聲：適合溫書、坐得耐嘅 cafe 並唔易搵，而且好多都會做唔住執笠😿
與此同時，小編會努力尋覓更多溫書好地方俾你哋架💛
【更多學習資訊】免費訂閱 NoteSity 電子報！
NoteSity 為你搜羅全港優惠及學習資訊💛 免費訂閱電子報，搶先獲得最新消息！
免費溫書地方
港島新界各區嘅公共圖書館係免費嘅溫書好去處，夠靜、坐得耐之餘，仲有免費 DSE Past Paper 可以攞番埋位度操卷。
小編私心推薦公共圖書館 top 3✨！（全部都夠大兼新淨！）
🥇香港中央圖書館
🥈深水埗公共圖書館
🥉油麻地公共圖書館
小編註：香港中央圖書館嘅 Past Paper 放喺8樓。至於其他圖書館，同學可以向職員查詢免費 DSE Past Paper 嘅位置。
除左公共圖書館之外，都不妨考慮下各區嘅香港青年協會賽馬會青年空間～ 有免費自修室之餘，環境設備都舒適，啱晒各位同學仔溫習！
圖書館溫書小貼士:
🔸 早啲去，霸個好嘅位置溫書。
🔹 例如中央圖書館第八、九樓嘅窗邊海景位、單人位，好快就俾人霸曬，多數都要盡早去搵位先會搵到個舒服嘅溫書地方。
🔸 帶齊所需物品：出發到圖書館之前，檢查清楚自己有冇帶齊嗰日溫書要用嘅教科書、溫習筆記等等，帶漏咗冇得溫就麻煩啦😿
🔹 約朋友一齊溫：小編到圖書館溫書，離開座位去食lunch、去洗手間嗰陣，成日都好驚去得太耐，俾管理員收走啲個人物品，或者俾人偷咗啲嘢，但係拎走曬啲嘢又好快俾人霸咗個位。
🔸 約埋朋友一齊溫書，輪流看住啲嘢，就唔會有呢個問題啦！
屋企溫書 — 高效溫習之秘訣
自己喺屋企溫書可以慳番出去圖書館、自修室嘅交通時間，而且免費有水有糧食有 Wifi 仼用，所以屋企都係一個溫習好地方，小編間唔中都會留喺屋企溫習的。
不過都明白唔少同學覺得喺屋企溫習嘅效率非常非常低，所以小編有幾個屋企溫書小貼士，可以令同學喺屋企溫書更有效率：
1. 盡量避免喺睡房裏面讀書
🔸 睡房係你平日瞓教、休息嘅地方。
🔹 當你個人喺睡房裏面，你嘅腦會話俾你嘅身體知：「你而家喺睡房啦，可以瞓教啦」咁你就好容易變得好眼瞓💤
🔸 加上你同張床嘅距離太近，好容易控制唔到自己，就上咗張床溫書，越溫越眼瞓，跟住就好容易溫溫吓書瞓著咗，瞓完晏覺就冇咗大半日時間架啦！
🔹所以，小編建議同學盡量避免喺睡房裏面讀書。
2. 話聲俾屋企人聽
🔹 如果你唔講，你嘅屋企人未必知道你需要一個寧靜嘅環境溫習。
🔸 你嘅屋企人可能會睇電視開到好大聲、大大聲傾計、成日走嚟問你嘢騷擾你 — 因為佢哋唔知道你想專心致志咁溫書。
🔹 所以，小編建議同學開始溫書之前，話聲俾屋企人聽。
🔸相信佢哋都會為你好、尊重你，暫時降低聲量，俾你專心溫書💛
3. 貼上「請勿打擾」標示
🔸 同學決定要喺屋企嘅書房、睡房或者其他房間溫書的話，小編會建議同學閂門，同埋喺門外面貼上「請勿打擾」標示。
🔹 因為，同學唔話俾屋企人知你忙緊、想專心溫書，佢哋可能會成日問你嘢 — 食唔食 XXX？你有冇見過 XXX？想唔想 XXX？
🔸咁嘅話你會成日俾人打擾。
🔹小編自己嘅做法係，喺一張 A4 紙上面，用紅色 marker 大大隻字寫住「請勿打擾」呢四個字。
🔸當小編極度需要專心溫書嘅時候，就會將呢張紙貼喺門外面，確保自己可以不受打擾咁專心溫書。
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 網上購買 DSE 溫習筆記、補充練習與參考書：熱門產品 | 優惠套裝 | 產品分類
