你的購物車是空的

${{ (item.variation.media ? item.variation.media.alt_translations : item.product.cover_media.alt_translations) | translateModel }}$ ${{ (item.variation.media ? item.variation.media.alt_translations : item.product.cover_media.alt_translations) | translateModel }}$

{{ childProduct.title_translations | translateModel }}

{{ getChildVariationShorthand(childProduct.child_variation) }}

{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

{{ getSelectedItemDetail(selectedChildProduct, item).childVariationName }}

{{item.quantity}}x HK$0 {{ item.unit_point }} 點

刪除

${{addonItem.product.cover_media.alt_translations | translateModel}}$

{{addonItem.quantity}}x {{ mainConfig.merchantData.base_currency.alternate_symbol + "0" }}

刪除

【UST BBA OM 全攻略】JUPAS 收分、出路、面試及常見問題

🤔「BBA OM 實際要讀啲咩㗎？」、「Operations Management 係咪即係管理成間公司㗎？」

相信大家聽到 Operations Management 呢科，都一定諗到呢啲說話，但究竟係咪真係咁呢？今次就等 NoteSity 小編同大家揭秘一下香港科技大學 (HKUST) 嘅工商管理學士（營運管理學） (BBA in Operations Management) 到底係讀啲咩～

文章目錄

一、科目簡介 📖
二、入學要求（JUPAS 收生分數及準則）
三、畢業出路 💼
四、常見問題 🙋🏻‍♀️

一、科目簡介 📖

HKUST BBA OM 嘅 JUPAS Code 係 JS5317 BBA in Operations Management 工商管理學士（營運管理學）。

呢科係由香港科技大學開辦嘅營運管理課程，係商學院開辦嘅工商管理課程中嘅其中一科主修。

同學可以揀學院制（入讀商學院嘅頭三個學期接觸工商管理各個領域嘅基礎科目後再選修）或者課程制（入學時直接報讀該商科課程）嚟主修 OM。

OM嘅課程主要學習商業社會中各類公司嘅資源、生產同物流嘅業務流程，透過數據分析、資源管理同埋規劃營運架構，令業務運作可以控制同改善效益。

首年嘅課程入面會接觸到工商管理內各領域嘅基礎科目。範疇包括會計學、經濟學、管理學、市場學、金融學等等，為高階嘅營運管理理念打好基礎。

而更高年級同主修相關嘅課程則會學習供應鏈營運應用管理等理論，同時學習做出正確決策所需嘅技巧。

課程入面仲會討論大量商業案例同公司項目，令學生更易理解理論同為日後工作累積更多經驗。

二、入學要求（JUPAS 收生分數及準則）

科大營運管理學（JS5317）嘅基本收生要求係分別喺中文、英文、數學、公民與社會發展同兩個選修科目取得「3 4 3 達標 3 3」嘅成績，對於選修科目冇特別要求。

呢科係以最佳五科 (Best 5) 計分，可以包括數學延伸部分 (M1/M2)。科大比其他大學特別睇重英文同數學，呢兩科嘅佔重都較大，會有兩倍嘅分數，而其餘科目比重相同。對科大有興趣嘅同學，如果喺呢兩科有唔錯嘅成績或者會係一個好大嘅優勢！

由於 2023年 OM 收生人數較少，科大並冇公開 JUPAS 收生分數作為參考。因此，同學可以參考 2023 Expected Score 入面嘅 34分～

喺2022年，一共有25位同學將 OM 填報於組別A嘅課程志願，即首3個志願，而成功被取錄嘅只有1人，所以呢科嘅競爭情況頗為激烈。被取錄嘅申請者中，100.0% 都是將呢科放喺組別 A 志願。

如果呢科喺你嘅心儀課程，建議將佢放喺組別A志願入面，以提高被取錄嘅機會。又或者可以同時報讀 JS5300 工商管理課程，再喺第二年嘅時候選修 OM。

目前 OM 每年開放140個學位俾入讀嘅學生以及 year2 選修嘅學生，並且每年都有增長，有興趣嘅同學都不必過於擔心無法選讀。

三、畢業出路 💼

OM嘅畢業生主要喺質量管理、計劃同控制、項目管理同後勤等領域發展佢哋嘅事業，不過亦有唔少同學會向金融方面發展。

根據科大嘅數據，近年畢業生受聘嘅職位包括:

• 順豐敦豪（DHL）供應及物流有限公司管理培訓生
• 港鐵庫存及供應鏈管理助理
• 飛協博亞洲有限公司營運管理專員
• 彭博產品分析師
• 華特迪士尼公司文化創造及營運業務分析師
• 高露潔-棕欖亞太區電子商務主管

四、常見問題 🙋🏻‍♀️

1. 營運管理嘅學生係咪需要修讀很多數學相關的學科？
呢科其實並沒有好多數學相關嘅學科，主要數據分析會用到嘅軟件有，例如 MS Excel 同 MS Project 等，而且學科會有詳細嘅解釋同教學，同學唔洗擔心難掌握～

2. 中學冇讀商科會唔會跟唔上進度？
喺 year 1 嘅課程入面，同學會先接觸基礎嘅工商管理科目，而且喺中學有讀商科同冇讀嘅學生會分開學唔同嘅科目，俾同學更加容易去掌握工商管理嘅知識。

3. 營運管理學同管理學有咩唔同？
管理同營運嘅分別在於，前者主要同一般行政有關，而後者就圍繞住生產商品或服務所需嘅日常活動有關。