👧🏻:小編有咩溫書好去處推介?
😽:嘿嘿,睇完呢篇文章就會知道小編推薦嘅溫書好地方 — 免費同付費嘅都有!! 

 

P.S. 喺你碌落去之前,記住 Follow 我哋嘅 Instagram @notesity.hk,我哋會分享各種實用嘅 DSE 讀書心得!

P.P.S. 記住 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

 

溫書好地方— 文章目錄

  1. 溫書 cafe 推介
  2. 屋企溫書 — 高效溫習的方法
  3. 圖書館/自修室溫書

 

1. Cafe☕️ 
雖然 cafe 平書唔係免費,不過平日搵間安靜少人、坐得耐嘅樓上 cafe,食完個brunch然後嘆杯咖啡,一路飲嘢一路溫書,個人都會精神好多。

Cafe 溫書小貼士:
🔸 搵間坐得耐嘅樓上 cafe, 就唔怕俾人趕走啦💛
🔹 同學決定到 cafe 溫書之前,可以先了解一下自己嘅讀書習慣 — 你需要一個 100% 寧靜嘅溫書地方,定係有少少雜音都專心到?
🔸 如果同學係有少少嘈音都會分人嗰類人,小編建議同學另覓溫書好去處,因為樓上 cafe 未必適合你喔!
🔹 到 cafe 點餐嘅時候唔好食得太飽,食飽咗飯氣攻心好容易眼瞓,集中唔到精神溫書😣
🔸 到坐得耐 cafe 溫書之前,記得帶定個耳機 — 即使咖啡店內有比較嘈嘅食客,你都可以戴上耳機,聽住歌咁專心溫書💛
🔹 到 cafe 溫書之前,可以上 Open Rice 睇一睇間餐廳有冇提供免費 Wifi — 有的話會更方便你上網搵資料、搵 DSE Past Paper!

 

考好 DSE,除咗需要一個寧靜嘅訂溫書地方之外,你仲需要高質 DSE 筆記、補充練習與參考書NoteSity 為你搜羅不同導師及出版社訂購高質 DSE 筆記、補充練習與參考書,幫助你考好 HKDSE!

 

訂購高質 DSE 筆記、補充練習與參考書中文科 | 英文科 | 數學科 | 通識科 | 理科 | 商科 | 文科

 

港九新界溫書好地方推介:
小編好鍾意四圍搵啲坐得耐、夠靜又適合溫書嘅 cafe,呢個係小編珍藏嘅溫書 cafe 推介列表嚟架!

港島區:
🔸 銅鑼灣:Coffeever、N.O.T Speciality Coffee、YOLO Cafe

九龍區:
🔹 旺角:桔梗
🔸 尖沙咀:只 Zi
🔹 觀塘:Coffee Slave

新界區:
🔹 沙田:Whitewood Coffee
🔸 天水圍:8090 好時光 u+me Cafe
🔹 屯門:Miss Coffee
🔸 荃灣:咖啡賞館

小編細細聲:適合溫書、坐得耐嘅 cafe 並唔易搵,而且好多都會做唔住執笠😿 

小編以上推仲嘅溫書好地方喺 2020年仲營運緊,希望呢啲小店可以一直做落去!

與此同時,小編會努力尋覓更多溫書好地方俾你哋架💛

 

2. 屋企🏠 
自己喺屋企溫書可以慳番出去圖書館、自修室嘅交通時間,而且免費有水有糧食有 Wifi 仼用,所以屋企都係一個溫習好地方,小編間唔中都會留喺屋企溫習的。

2020年嘅武漢肺炎令到唔少同學冇得出街,到自修室、圖書館、cafe 等等嘅溫書好去處溫習,被迫留喺屋企溫習。

一個武漢肺炎打亂曬 2020 dsers 嘅溫書大計,而且唔少同學都覺得喺屋企溫習嘅效率非常非常低。

亦都有同學會選擇通宵溫書,所以需要一個通宵溫書地方。

小編有幾個屋企溫書小貼士,可以令同學喺屋企溫書更有效率:

a) 盡量避免喺睡房裏面讀書
🔸 睡房係你平日瞓教、休息嘅地方。
🔹 當你個人喺睡房裏面,你嘅腦會話俾你嘅身體知:「你而家喺睡房啦,可以瞓教啦」咁你就好容易變得好眼瞓💤 
🔸 加上你同張床嘅距離太近,好容易控制唔到自己,就上咗張床溫書,越溫越眼瞓,跟住就好容易溫溫吓書瞓著咗,瞓完晏覺就冇咗大半日時間架啦!
🔹所以,小編建議同學盡量避免喺睡房裏面讀書。

b) 話聲俾屋企人聽
🔹 如果你唔講,你嘅屋企人未必知道你需要一個寧靜嘅環境溫習。
🔸 你嘅屋企人可能會睇電視開到好大聲、大大聲傾計、成日走嚟問你嘢騷擾你 — 因為佢哋唔知道你想專心致志咁溫書。
🔹 所以,小編建議同學開始溫書之前,話聲俾屋企人聽。
🔸相信佢哋都會為你好、尊重你,暫時降低聲量,俾你專心溫書💛

c) 貼上「請勿打擾」標示
🔸 同學決定要喺屋企嘅書房、睡房或者其他房間溫書的話,小編會建議同學閂門,同埋喺門外面貼上「請勿打擾」標示。
🔹 因為,同學唔話俾屋企人知你忙緊、想專心溫書,佢哋可能會成日問你嘢 — 食唔食 XXX?你有冇見過 XXX?想唔想 XXX?
🔸咁嘅話你會成日俾人打擾。
🔹小編自己嘅做法係,喺一張 A4 紙上面,用紅色 marker 大大隻字寫住「請勿打擾」呢四個字。
🔸當小編極度需要專心溫書嘅時候,就會將呢張紙貼喺門外面,確保自己可以不受打擾咁專心溫書。

 

3. 圖書館
港島新界各區嘅公共圖書館係免費嘅溫書好去處,夠靜、坐得耐之餘,仲有免費 DSE Past Paper 可以攞番埋位度操卷。

小編註:香港中央圖書館嘅 Past Paper 放喺8樓。至於其他圖書館,同學可以向職員查詢免費 DSE Past Paper 嘅位置。

圖書館溫書小貼士:
🔸 早啲去,霸個好嘅位置溫書。
🔹 例如中央圖書館第八、九樓嘅窗邊海景位、單人位,好快就俾人霸曬,多數都要盡早去搵位先會搵到個舒服嘅溫書地方。
🔸 帶齊所需物品:出發到圖書館之前,檢查清楚自己有冇帶齊嗰日溫書要用嘅教科書、溫習筆記等等,帶漏咗冇得溫就麻煩啦😿
🔹 約朋友一齊溫:小編到圖書館溫書,離開座位去食lunch、去洗手間嗰陣,成日都好驚去得太耐,俾管理員收走啲個人物品,或者俾人偷咗啲嘢,但係拎走曬啲嘢又好快俾人霸咗個位。
🔸 約埋朋友一齊溫書,輪流看住啲嘢,就唔會有呢個問題啦!

另外,NoteSity 小編亦都幫同學整合唔同網上資源,俾同學免費下載 DSE Past Paper 資源

 

如果你想繼續收到同 DSE 有關嘅讀書心得及考試資訊,記得要 follow NoteSity Instagram 呀,仲可以 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

咩係 NoteSity?

NoteSity 是全港最大DSE資源訂購平台,為你搜羅不同導師及出版社的高質 DSE 筆記、補充練習與參考書,一個平台匯聚你需要的 DSE 資源,幫助你考好 HKDSE。

 

延伸閱讀: