之前有同學問小編邊度有得免費下載 DSE 通識 LS Past Paper PDF版本。NoteSity 小編知道唔少同學都遇到呢個問題,所以小編已經幫你揾齊曬所有通識 DSE Past Paper,包括卷一資料回應題、卷二延伸回應題目同埋考評局答案

更重要係,除咗 Question Paper,小編仲揾齊曬 Marking scheme / 答案 Answer key 等等,你可以免費下載PDF版本,專心操 PP,其他野就交畀 NoteSity 小編啦!

不過小編知道得 Past Paper 係唔夠嘅,因為你仲需要知道點樣好好利用 Past Paper 去操練。所以小編都分享埋自己過往點樣由中四通識唔合格慢慢進步到最後文憑試考取 5** 嘅成績。

 

P.S. 喺你碌落去之前,記住 Follow 我哋嘅 Instagram @notesity.hk,我哋會分享各種實用嘅 DSE 讀書心得!

P.P.S. 記住 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

以下 HKDSE 通識 LS科資源連結皆轉自不同網頁,NoteSity 沒有持有任何相關資源。NoteSity 在網站加上連結是為了方便同學搜集相關資源,且作為學習用途,而非商業用途。如有資源涉及版權問題,請版權持有人與我們聯絡,我們在確實相關版權後會移除相關連結分享,不便之處,敬請原諒。

 

通識 Past Paper 資源庫目錄

  1. [中文版] DSE 通識 Past Paper 題目 + 答案下載
  2. [English Version] DSE LS Past Paper Question + Answer Download
  3. 通識 5** 心得分享(連 IES 及 操練通識 past paper 教學)

 

事不宜遲,即刻開始!

 

1. [中文版] DSE 通識 Past Paper 題目 + 答案下載

NoteSity 小編幫大家揾齊 DSE 通識中文版 Past Paper 會係,包括卷一、卷二題目同埋答案,同學可以免費下載PDF版本。

 

通識科教科書內容好多,但當中真係提及同通識有關嘅考試及溫書技巧實在好少。而且唔少同學反映佢哋讀通識無從入手,唔知道究竟點樣先會考得好。 NoteSity 為大家搜羅咗各類型嘅通識科 5** 筆記,當中內容涵蓋考試技巧、例子集、必讀論據、IES 教學筆記、IES 滿分 Sample 等等,幫助大家備戰 DSE 通識科。

 

訂購高質 DSE 筆記、補充練習與參考書中文科 | 英文科 | 數學科 | 通識科 | 理科 | 商科 | 文科

 

2. [English Version] DSE LS Past Paper Question + Answer Download

除咗中文版本之外, NoteSity 小編緊係唔會唔記得用英文讀 LS 嘅同學仔!以下係英文版 DSE Liberal Studies Past Paper (English version),包括 Paper 1、Paper 2,、Question、Marking Scheme、Answer,同學可以免費download PDF版本。。

 

3. 通識 5** 心得分享(連操練通識 past paper 教學)

NoteSity 小編收集咗唔同學校嘅同學嘅問題,唔少同學反映佢哋讀通識無從入手,唔知道究竟點樣先會考得好。各位同學唔使擔心,小編嘗試將自己過來人嘅心得分享,點樣由中四唔合格慢慢進步到最後文憑試考取 5** 嘅成績。

 

通識要考得好,NoteSity 小編想你知道通識科考核方式、每份卷佔嘅比例:

  • DSE考卷卷一(資料回應題):佔全科分數 50%
  • DSE考卷卷二(延伸回應題):佔全科分數 30%
  • IES 獨立專題研究示例:佔全科分數 20%

 

a) 通識要點溫?

通識好似好多野讀,而且望落去好似千變萬化咁,呢個都係令唔少同學讀到好氣餒嘅地方。NoteSity 小編好明白大家嘅辛酸,所以小編好想同你講,通識係 DSE 裡面其中一科最容易溫嘅科目。

因為通識其實考嘅野萬變不離其宗,無論形式上有何變化,本質始終如一。只要抓住竅門,你可以好容易考取 level 5 或以上。要溫好通識,你需要 :

  1. 溫通識答題框架
  2. 溫通識議題 (恆常議題 + 熱門議題)
  3. 儲時事例子
  4. 溫通識概念
  5. 練諗point

只要練好呢 5 樣野,小編好有信心你可以好似小編咁,考好通識科。所以小編為大家準備咗一篇簡而精嘅通識攻略,解構通識溫習方法,幫大家更容易掌握到通識科。除此之外,小編都仔細分析整個 DSE 通識答題框架 (題型+段落框架),幫大家容易d 上手。

 

訂購高質 DSE 筆記、補充練習與參考書中文科 | 英文科 | 數學科 | 通識科 | 理科 | 商科 | 文科

 

b) 日常生活 — 每星期快速訓練通識思維

NoteSity 小編知道大家平時好難抽到時間操到一整份通識 PP,而且小編覺得唔係瘋狂操練就一定有用。如果平時冇咁多時間,你可以喺一日抽 30-45分鐘就可以有效地溫習通識。

 

方法一:練諗 point
考通識嗰陣每條大題目你會有大概 15分鐘時間睇曬題目、資料加諗 point,你每日可以花大約15分鐘睇一條通識 Past Paper 題目加諗埋 point,訓練自己短時間進入考試狀態,然後再用15分鐘睇 model answer以及上網搵相關概念同例子,學多啲有關呢個題目嘅嘢。

小編有本自己筆記去記錄低每次「諗 point」訓練,mark 低 model answer 提及嘅重點以及上網搵到嘅相關概念同例子Concept 唔需要背定義、例子唔需要好複雜,大概 20字內解釋到就得。

 

方法二:溫例子 / Concept
喺方法一都有提及,由於小編有本筆記去記錄低每次「諗 point」訓練,以及都有 mark 低題目相關概念同埋例子。所以之後小編會喺搭車返學或者小息嗰陣會每次花10分鐘時間俾自己溫5個例子或者 concept,中五開始日積月累,小編記得自己喺 DSE 考試前已經至少記得 100 個例子。

 

方法三:練字速
相信好多同學都會好意外,原來日常生活有訓練下字速。根據小編嘅經驗,唔少同學寫字都好慢或者字體一般。

就通識科而言,寫字寫得快而且字體要睇得到兩者都好緊要,NoteSity 小編建議你每個月至少要操2/3條通識題目,每次操一條。每次你都要訂立目標,要求自己做卷一 (Paper 1) 要40分鐘內睇好整條題目,諗好point 寫好成篇論文,訓練自己寫字做卷嘅速度!

 

c) IES — 兵家必爭之地

IES 佔你整個通識 Grade 嘅 20%,所以唔少 DSE 考生都會盡全力做好 IES。點解?因為 IES 有個可以跟從嘅框架去做得好,只要做齊,你就可以喺 IES 取得 80%或以上嘅分數,小編甚至見過唔少同學喺 IES 拿到滿分。而要拿通識 5**,你大約只需要拿 70% 嘅分數,所以好多同學可能 DSE考卷卷一同卷二表現得唔係咁好,最後透過 IES 去拉高分數,考取 5**。

如果要做好 IES,你要去訂立好一個好 IES 題目,以及喺整個獨立專題研究裡面展示多角度思維。

 

(i) 訂立一個好嘅 IES 題目
一個好嘅 IES 題目應該具爭議性,而且與同學自身嘅關係密切。點解?因為有爭議性先會有研究嘅空間,否則就唔應該去研究。另外,如果同你自身嘅關係唔密切,你都好難去研究。例如,如果你研究議題嘅焦點地方唔係香港,你好難去取得一手資料,咁就更加難去取得高分。

所以,NoteSity 小編為你準備咗 IES 題目推介 — 附 IES 議題分析 畀你可以參考一下,學習點樣去訂立一個好嘅 IES 題目。

 

(ii) 展示多角度思維
讀好 LS 呢一科,考評局就喺 歷屆 DSE Markers' Report 有提及佢哋鍾意學生有多角度思考嘅 — DSE如是,IES亦如是。想IES高分啲,你需要喺 IES 裡面展示你嘅多角度思維!咁究竟要點樣多角度法呢?NoteSity 小編就以香港器官捐贈為主題,慢慢分析畀大家睇,幫大家做好 IES!

  • 方法一:比較唔同國家
    • 唔同國家對於器官捐贈有唔同嘅現況同政策,你可以攞其他國家嚟同香港做比較,或者寫建議嘅時候作為參考。例如西班牙採用預設默許機制,令到捐贈率較高,又或者利用中國大陸嘅黑市交易作為例子去分析。
  • 方法二:闡述唔同持份者嘅觀點
    • 一講起器官捐贈,大家會諗到邊啲相關人士?多數人都第一時間諗到「捐贈者」同「受贈者」兩個,但係有冇諗過將呢啲持份者拆細呢?
    • 你可以將「受贈者」細分為「長期病患者」、「因意外而急需要器官移植嘅傷者」等等。咁做你可以討論得深入啲,而且更能展示到你喺同一個持份者度都可以分拆唔同角度嘅能力!
    • 再者,持份者唔止呢兩個,你仲可以提及其他相關持份者,包括家人 (捐贈者家人嘅意願)、醫療人員(嘅負擔)、宗教團體(嘅支持/反對)、政府(作為教育/宣傳嘅先驅) 等等,試吓諗多啲同深入啲,唔好諗到一兩個表面 point 就停咗!

 

以上嘅拆角度方法就係比較 specific 嘅,通常係IES先會用到,以下嘅就 general 少少,無論係做IES定係 LS 考試 都會用得著! 

  • 大路角度:社會、經濟、政治、文化、環境
  • 對立角度:長期 vs. 短期、對內 vs. 對外、本地 vs. 外地、微觀 vs. 宏觀、快 vs. 慢等等
  • 分層次:個人 vs. 團體 vs. 政府 vs. 國際/全球、由低至高等等

 

睇到呢度,相信大家都明白到你係有一個有規可從嘅方法去做 IES,展示到你嘅多角度思考,去幫你喺 IES 取得高分。小編都係因為咁,所以喺 IES 取得滿分嘅成績

 

希望小編幫到大家!如果你想繼續收到同 DSE 有關嘅讀書心得及考試資訊,記得要 follow NoteSity 嘅 IG !

 

如果你想繼續收到同 DSE 有關嘅讀書心得及考試資訊,記得要 follow NoteSity Instagram 呀,仲可以 Click 呢度 留低你 Email ,訂閱 NoteSity DSE 讀書心得及技巧分享電郵,小編會定期將DSE讀書 TIPS、考試攻略分享俾你,助你考好 DSE。

 

咩係 NoteSity?

NoteSity 是全港最大DSE資源訂購平台,為你搜羅不同導師及出版社的高質 DSE 筆記、補充練習與參考書,一個平台匯聚你需要的 DSE 資源,幫助你考好 HKDSE。

 

延伸閱讀: