好多同學問：「點解我中文綜合卷寫左長篇大論，但都拎唔足分？」小編以前都有同樣嘅問題，慢慢發現其實中文卷三有好多細節位！😯究竟中文卷三應該要點答？點寫篇文先會令人眼前一亮？ NoteSity 小編會同你地分享中文綜合卷嘅高分寫作技巧。✏️
一、中文綜合的三個主要技巧
1. 言簡意賅🤫
中文綜合卷唔需要堆砌文句，只需要用簡單直接嘅句子去概括最精要嘅意思，好處係可以令成篇實用文變得簡潔有力，老師改卷一眼就睇到重點。小編建議你地可以：
- 使用中心句，帶出嗰段重點。
- 刪除重複累贅嘅文句，預留空間做細緻嘅闡述。
- 適當篩選資料，唔好抄太多無用嘅野。
2. 充分利用資料📊
整合拓展呢部分好需要資料支持，要將資料嘅效用最佳化，你地可以：
- 利用4分鐘整理甲部聆聽答案嘅時候，快速閱覽乙部嘅題目同閱讀素材。👀
- 先揾呼應題目嘅重點素材（通常2-3篇，例如：活動簡介），詳睇➡️掌握重要資訊。
- 衡量要抄啲咩、抄幾多。
- 其他非重點素材 ——數據、宣傳單張、備忘 （較少資訊提供） ，速睇➡️歸納重點。
- 留意資訊細節部分，再加以延伸。
- 細心聆聽錄音檔👂🏻，抄低需要特別注意嘅事項 ，以免之後唔記得左（例：整合角度、論點數量、特別呼籲事項）。
3. 質量互補
質量互補意思係要同時兼顧要點嘅質素同闡述嘅長度。如果答中左個寫作要點，但無加以闡述，只係輕輕帶過，亦會扣分。小編建議上下兩段唔好一長一短，每一段嘅闡述長度要平均，避免影響考官嘅觀感。
二、語境意識
1. 基本文體格式
格式非常重要，除左影響語境意識，仲會影響表達組織。所以，你地平時要記熟唔同實用文嘅格式，甚至乎隔幾多個格寫祝頌語呢啲細節位都要記住。而主要嘅文體包括書信、演講稿同文章。
2. 呼應身份背景👩🏻💼
行文嗰陣，如果呼應到題目賦予你地嘅身份同背景，絕對可以令考官眼前一亮。呼應身份背景主要可以喺開首段同結尾段做：
- 開首：自我介紹 + 來信/致辭目的 + 簡單交代背景（時、地、人）+ 目標
- 內文：可適當加插有身分象徵嘅句子 （例：作為學生會會長……）
- 結尾：表達願景（首尾呼應翻個目標） + 致謝
做齊以上嘅野，亦唔好漏左喺聆聽到抄低左要注意嘅事項，可能係要求你結尾要特別感謝某個老師，呢啲都計語境意識嘅分架〜❗️
3. 行文語氣
要決定措辭語氣，你地可以留意自己嘅身份、寫緊咩文體同埋個受文者。舉幾個例子講下：
- 演講辭
- 受文者：
- 措辭語氣：
- 謙虛有禮、親切誠懇（例：本人深感榮幸可以致辭……）
- 用字顯淺易明
- 適當加入互動：設問
- 平行書信
- 下行書信
- 受文者：
- 措辭語氣：
- 親切、平穩務實
- 宣傳、呼籲要流靈個人熱忱
- ❌ 訓示口吻 / 過多謙詞
最重要一點係你地要視乎題目展露個人情感，要真係代入嗰身分入邊。例如字裏行間要表達對學弟學妹嘅關心之情、對香城社區嘅關注、同受文者分享活動嘅喜悅，諸如此類。
三、整合拓展📥
喺寫整合拓展方面，你地只要根據題目所提供嘅論點拓展就得，通常有兩個，唔需要自己憑空咁諗。每段都要有呢4個步驟：
1. 指出題目所提供嘅論點 （特質/態度/特色……）
2. 扣連閱讀材料中呼應呢啲特質/態度/特色嘅例子 （抄資料）
3. 進行拓展，解釋特質/態度/特色（創作部分）
- 拓展需具體化
- 拓展方向： 短期/長遠/對個人嘅好處/對他人嘅好處…… （盡力調動知識，廣泛拓展）
- 適當可運用正反說明，豐富拓展內容
4. 扣題：為何需要這特質？/呢個態度對學習嘅重要性？/ 呢個特色如何令個地方吸引？
- （拓展……）可見，投入參與的學習態度可令同學學會團隊合作精神（重要性）。
鷶、見解論證📤
見解論證不外乎係比兩樣事物你揀，可以係書單、活動等等，又或者係想你提供建議。咁同學就要揀一個你有信心嘅、想像空間較廣嘅嚟寫。一個好嘅見解論證有呢幾點：
- 雖然喺呢一部分無乜資料可以利用，但你地需要具體化咁拓展嗰啲細節位。
- 例子：漁民生活我體驗，詳述活動可以同漁民做咩、會體驗到捕魚方法、如何結網、出海等等？
- 多角度說明原因/好處
- 例子：形式的廣度或深度 / 個人/群體經驗 / 持分者/特色/意義/長短期等
- 配合例子佐證，加入社會現狀
- 例子：香城發展一日千里，但海面污染日趨嚴重，漁業文化式微，活動可以令同學了解……
見解論證基本步驟：
- 提出論述角度 （中心句）：活動可以達到甚麼效果/好處
- 拓展資料，具體化活動/計劃主題/方案
- 生動描述例子： 由例子推論達到的效果
- 扣題：可見活動使人……有助……
五、表達組織
1. 承上啟下
設過渡段可以令文章嘅結構清晰啲，幫你地拎表達組織嘅分。過度段應該加插喺：
而過度段需要承上啟下，例如可以咁寫：
- 以上就係本人認為參加「走出教室學習日」時應有嘅良好學習態度及相應活動 ……（簡單總結整合拓展） ，至於有關認識香城漁村文化嘅活動，本人認為「漁業世界此中尋」係最佳選擇，接下來將會慢慢闡明原因……（帶出見解論證）
2. 善用標示語🔖
你地可以加標示語喺每段嘅開首，令成篇文井然有序。例如第一、第二；首先、其次、接著、再者；總括而言……等等，咁樣寫可以話俾人知你寫緊第幾個論點。另一種寫法係用唔同角度劃分論點，例如從某角度而言……從另一角度看……咁樣。
3. 七段分法
七段分法嘅意思係以下各一段：
- 引言
- 整合拓展 ：重點一
- 整合拓展 ：重點二
- 過渡
- 見解論證：論點一
- 見解論證：論點二
- 結尾
當然都要視乎題目要求我地寫幾多野，好似如果整合拓展要寫三個重點嘅時候，就變成八段分法。所以，簡單嚟講，分段方法就係一段一重點。
以上就係小編嘅中文綜合卷寫作技巧分享。💛不過卷三始終都係由聆聽主導，如果聽漏左野或者聽錯野，就必然會被扣分。所以，小編建議同學仔要多做多聽，訓練耳力，順便練埋筆速。小編推薦《升級奪星實戰訓練 文憑試中國語文試卷三 聆聽及綜合能力考核 模擬試題》呢本練習比你地，依家喺 NoteSity 平台上面已經有得買！💛🤩最後，希望同學都可以輕鬆應對中文卷三，考之前記得準備收音機。📻💪🏻✨✨
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁啊！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
📚 訂購高質 DSE 筆記、補充練習與參考書：中文科 | 英文科 | 數學科 | 通識科 | 理科 | 商科 | 文科
下次再同大家分享更多有用嘅資訊～ 記得密切留意啊🥳
