小編係土生土長嘅香港人，阿爸阿媽英文都唔係話特別叻，但係正正因為佢哋唔想小編驚咗英文，所以要小編由細學好英文🗣️ 而今日小編同大家分享嘅就係一個以英文為first language嘅故事！🤯
 
冇錯，小編第一個接觸嘅語言就係英文喇！如果唔係外國人或者讀國際學校嘅話，相信呢個現象都唔普遍🤔直至第一日幼稚園返學嘅時候，自己同其他小朋友🐔雞同鴨講🐤，先至發現…原來自己要學中文㗎！😯
 
好彩嘅係嗰陣仲好細個，吸收能力比較快，學中文都唔係話好難。但始終英文對嗰陣時嘅小編嚟講比較熟悉，所以會鍾意睇英文書📚、聽英文歌🎧、煲英文劇🎭多啲。加上平時同人溝通都係用廣東話，我就慢慢變咗「雙母語（bilingual）」嘅狀態喇。
 
有趣嘅位係，小編讀小學嘅時候中文成績進步嘅話，英文就會退步；反之，英文成績進步嘅時候，中文就會退步。小編本身嘅中文成績已經唔算好㗎啦，再差落去就直插谷底…係名乎其實嘅「bye-lingual」😭！其實呢個境況都有少少尷尬㗎😥有啲同學會話小編係「偽ABC」，亦有啲人會覺得小編講嘢中英夾雜嘅時候曬緊自己英文好…（其實只係中文差💀）咁究竟小編呢個處境對於英文科又有咩得着呢？
 
💛Grammar唔使靠死背
小編細個讀英文小學嘅，但係就冇乜學grammar嘅記憶。基本嘅terms，例如noun、verb、adjective一定知，但如果無啦啦問我past perfect tense點用就真係考起我喇😥小編係靠聽得多👂🏼睇得多👁講得多🗣嚟去操grammar嘅，唔係死記咩時候應該用咩tense，反而係聽落去自然而切合到個語境，就…應該啱㗎喇🤣所以小編幫人補英文嘅時候，啲grammar筆記要全部自己消化一次先再講解，因為自己都唔太熟悉啲規則😂其實死背grammar規則未必最有效，除咗背書之外，聽多啲、睇多啲、講多啲，先至會運用自如㗎！
 
💛寫對話嘅時候更地道
小編當年考DSE嘅時候主攻short stories，英文詞彙雖然唔係好廣，但小編勝在識得吹水🌬對話對於故事嚟講不可或缺，而如果人物講嘅嘢比較地道、流暢嘅話，成個故事就會更加貼地同生動喇！唔單止對話，其實人物嘅一啲內心小劇場都可以用自言自語嘅方式表達，仲可以更加informal添！相反，有啲同學會拎住一本英文諺語字典死背爛背，但當中好多都係以英文作為母語嘅人唔會成日講嘅… 考試格硬寫落去反而會令考官覺得文章用詞生硬甚至公式化🥲
 
💛卷四印象分…？
英文流利啲，口語卷當然就把握得好啲啦（啊小編你唔好話阿媽係女人🙄）不過，當有啲題目唔係太爆到point嘅時候，小編嘅美式口音同地道式嘅口吻就呃到人喇🤣🤣如果小編諗唔到講咩嘅時候，翻炒下其他人講過嘅嘢，用自己嘅語言能力去重新包裝，就算唔係真係貢獻新觀點，聽落都會似係重温同總括一次啱啱講過嘅論點😛亦都可以邀請人哋講嘢或展開新嘅話題，拖延下時間畀你諗到嘢講之餘，亦都可以顯示畀考官睇你領導緊成個討論㗎！
 
當然，係唔係細細個開始學英文呢樣嘢根本唔輪到我哋控制，更加唔可以回到過去重新開始，係咪代表已經「輸在起跑線」？梗係唔係啦！雖然細細個學英文係有佢嘅好處，但唔代表遲開始就一定唔掂！想知道點樣用最有效率嘅方法去學最地道嘅英文？記住留意小編之後嘅分享同埋NoteSity網上書店嘅英文筆記喇～🥳💛💛
 
*以上文章內容純屬作者個人分享，並不代表本網站之立場。
 
🔔 唔想錯過最新優惠、DSE 讀書心得、考試資訊的話，記得要 follow NoteSity Instagram 專頁呀！你仲可以 click 呢度 免費訂閱 NoteSity 嘅電子報，小編會定期將 DSE 讀書 TIPS、考試攻略分享俾你～ 
 
💭 咩係 NoteSity？NoteSity 是全港最大的學生資訊及優惠平台，為大家搜羅全港優惠及學習資訊。由讀書考試、升學、飲食娛樂至電子產品，滿足學生的日常生活所有需要！
 
📚 網上購買 DSE 溫習筆記、補充練習與參考書：熱門產品 | 優惠套裝 | 產品分類
 
下次再同大家分享更多有用嘅資訊～ 記得密切留意啊🥳